2.- Lerroa: Negozio berriak eratzeko, enplegua sortzen duten ekimen berriko enpresei laguntzeko eta Andoaingo negozioen eskualdaketa eta/edo jarraipena errazteko dirulaguntza

Zer da? Zertarako da?

Laguntza ekonomikoa jarduera ekonomiko berriak sortzeko eta Andoainen dauden negozioen eskualdaketa eta/edo jarraipena sustatzeko xedez deitu da.
Honako gastu hauen % 90era arteko dirulaguntza emango da: eraketa-gastuak, Gizarte Segurantzako kotizazio-kuotak, soldatak, aholkularitza-gastuak, aktibo finkoetako inbertsioak, alokairu-, eskualdatze- eta/edo negozioen jarraikortasun-gastuak, deialdiaren aurreko urteko irailaren 1etik deialdi horren ondorengo urteko apirilaren 30era bitartekoak, eskaera bakoitzeko 1.950 €-ko mugarekin.

M912

Nork eska dezake?

Pertsona fisikoak, juridikoak, sozietate zibilak eta ondasun-erkidegoak:

a) jarduera nagusiaren helbidea Andoainen baldin badute.
b) jarduerak indarrean dagoen araudia betetzen baldin badu lizentziei, udal-jarduera hasteko aldez aurreko jakinarazpenei eta jardueraren jardun profesionalari eragin diezaioketen beste batzuei dagokienez.
c) bideragarritasun-plan bat edo jarduera-memoria/proiektu bat baldin badute, enpresa-ekimen berriei laguntzeko udal-zerbitzuak balioetsita.
d) Jarduera Ekonomikoen gaineko Zergan eta Langile Autonomoen Araubide Berezian edo dagokion erregimenean alta emanda baldin badaude, deialdi hau argitaratu aurreko urteko azaroaren 1etik dirulaguntza eskatu den egunera bitartean.
e) jarduera/enpresa gutxienez 6 hilabetez altan edukitzea.
f) sustatzaileak bat baino gehiago badira, horietako batek gutxienez langabezian egon beharko du. Enpresa batek sustatzen badu, proiektu berriak enplegu garbia sortzeko zuzeneko lanpostu bat sortzea jaso beharko du gutxienez.
g) lokala alokatuz gero, alokairu-kontratuak gutxienez 12 hilabeteko iraupena izatea.
h) Andoaingo Udalarekiko, Gizarte Segurantzarekiko eta Foru Ogasunarekiko zerga-betebeharrak egunean izatea.
i) barne-ekintzailetzaren kasuan), sortutako jarduera ekonomiko berriak aurrekoa ez bezalakoa izan behar du, betiere aurreko jarduera ekonomikoari eutsiz, eta, gutxienez, enplegu garbia sortzea ekarriko duen zuzeneko lanpostu bat sortzea jaso beharko du.

Aurkeztu beharreko agiriak

• E002 Beste pertsona baten izenean administrazioarekin aritzeko baimena
• E011 Ordezkaritza CB
• E013 Bideragarritasun-plana
• E105 Andoainen enplegua, ekintzailetza eta negozioak modernizatzea eta sendotzea sustatzeko dirulaguntzak
• E106 ZURIKETA: Andoainen enplegua, ekintzailetza eta negozioak modernizatzea eta sendotzea sustatzeko dirulaguntzaren

a) Eskabide-inprimakia (E105 inprimakia)
b) Eskatzailearen nortasun juridikoa egiaztatzen duten agiriak:

• Pertsona fisikoak: NAN edo agiri baliokidea
• Pertsona juridikoak: erakundearen eraketa eta estatutuak jasotzen dituen eskritura edo agiria (erregistratuta)
• Sozietate zibilak: eratzeko kontratua, IFZ eta NAN, edo sozietate zibila osatzen duten pertsona guztien agiri baliokidea.

c) Legezko ordezkaritzaren kasuan: legezko ordezkariaren NANa edo agiri baliokidea eta ordezkaritzaren agiri bidezko egiaztapena. Egiaztapena zuzenbidean, notario-ahalordeetan, eskrituretan eta abarretan baliozkoa den edozein bide erabiliz egin ahal izango da (ereduak eranskinetan)
d) Egindako eta/edo diruz lagundu daitekeen gastuaren eta inbertsioaren frogagiri ofizialak (kontratua, faktura, aurrekontuak eta/edo ordainagiriak), eta, hala badagokio, horiek ordaindu izanaren egiaztagiriak
i) Andoaingo ekintzailetzari laguntzeko bulegoak positiboki ebaluatu beharko duen bideragarritasun-plana (eredua eranskinean)
j) Sortutako lanpostuak Gizarte Segurantzan duen altaren eta lan-kontratuaren kopia
k) Alta emandako jardueraren 840 ereduaren eta errolda-aitorpenaren kopia
l) Jarduera berrian sartu den pertsonaren inskripzio-aldien ziurtagiria, Lanbide-Euskal Enplegu Zerbitzuak emana, langabezian dagoen enplegu-eskatzailea bada (eranskinetan onartutako ziurtagirien zerrenda)
m) Kontratuaren subjektuaren lan-bizitzari buruzko txostena, Gizarte Segurantzak emana (eranskinetan onartutako ziurtagirien zerrenda).

ZER DOKUMENTAZIO AURKEZTU BEHAR DA justifikazioan?

a) Dirulaguntza justifikatzeko inprimakia (E106 inprimakia)
b) Dirulaguntzaren xede diren gastuen egiaztagiriak eta egindako ordainketen egiaztagiriak, bi kasuetan, eskaera egiteko unean aurkeztu ez badira.
c) Laguntza jasotzeko aukera duten sustatzaileen lan-bizitzari buruzko txostena, Gizarte Segurantzak emana, laguntzaren xede den aldian eta lanaldian enpresan egon direla egiaztatzen duena (eranskinetan onartutako ziurtagirien zerrenda).
d) Alta-egoeran dauden langileen batez besteko plantillari buruzko enpresaren lan-bizitzaren txostena, Gizarte Segurantzak emana, Jarduera Ekonomikoen gaineko Zergan alta eman zenetik sei hilabete igaro ondoren edota, dagokionean, zentsu-aitorpenaren alta-data egin denetik aurrera, enpleguari eutsi zaiola egiaztatzen duena. Horretarako, bi txosten aurkeztuko dira. Lehenengoa, enpresak EJZn alta eman ondoren eta, bigarrena, alta eman eta sei hilabetera (eranskinetan onartutako ziurtagirien zerrenda).

Non/Nola eskatu daiteke?

• Eskabideak eta nahitaezko agiriak telematikoki izapidetuko dira, Andoaingo Udalaren egoitza elektronikoaren bidez. Eskaera egoitza elektroniko horretatik jaitsi beharko da, Udalaren atariaren hasierako orrian, www.andoain.eus (Dirulaguntzak/Enplegua sustatzeko laguntzak atala).
  Erregistro elektronikoan jarduteko, B@kQ identifikazio-sistema bat beharko da, sinadura digitalarekin edo txartel batekin (IZENPE, DNI-e, CAMERFIRMA edo FNMT).

Ordaindu behar da?

Doan da. Itzuli beharrik gabeko dirulaguntza da.

Izapidetze edo ebazpen epea

• Aurreikusitako epea: 2a.Eskaera: indarrean jartzen denetik deialdiaren urteko urriaren 30era bitartean. b. Zurketa: Gehienez 2025eko ekainaren 30a baino lehen
• Legezko gehienezko epea: 6 hilabete
• Isiltasun-administratiboaren izaera: Aurkakoa
  

Araudi aplikagarria

• Andoainen enplegua, ekintzailetza eta negozioak modernizatzea eta sendotzea sustatzeko dirulaguntzak emateko oinarriak arautzen dituen Ordenantza

Eskaera jaso ondorengo urratsak

• Diru-laguntzen lerro bakoitzean, eskabideak sarrera-erregistroaren arabera ebaluatu eta ebatziko dira, harik eta laguntza horietara bideratutako baliabide ekonomikoak agortu arte, dagokion urteko deialdian ezarritakoaren arabera.
• Alkateak edo hark eskuordetzen duen organoak ebatziko ditu eskabideak, behar bezala beteta eta aginduzko dokumentazioarekin batera.
• Laguntzak emateko ebazpenak berariaz ezarriko du laguntzen zenbatekoa, eta, hala badagokio, onuradunak bete beharreko baldintzak, betebeharrak eta zehaztapen osagarriak jasoko ditu. Ebazpen hori 39/2015 Legearen 40. artikuluan aurreikusitako moduan jakinaraziko zaie interesdunei.

Nork onartu behar du?

Alkateak edo Zinegotzi Ahaldunak

Izapidetze ardura duen lansaila

Sustapen ekonomiko, Enplegu eta Gazteria - 943 304 221 edo tokigarapena@andoain.eus

Beste zenbait ohar interesgarri

• Dirulaguntza eskabideak aurkezteko epea deialdia Gipuzkoako ALDIZKARI OFIZIALEAN argitaratu eta biharamunean hasiko da, eta 2024ko urriaren 30ean amaituko da.
• Tokiko Gobernu Batzarrak eskabideak ebatziko ditu, eskabideen hurrenkeraren arabera.
• Deialdi honetarako eta II. lerrorako aurreikusitako zenbatekoa 20.000€ izango da.

Datu pertsonalen babesa

Fitxategiaren izena: Sarreren eta irteeren erregistroa

DBEB kodea: M07

Fitxategiaren xedea: Udalera sartzen den eta bertatik irteten den paperezko nahiz euskarri telematikoko dokumentazioaren erregistroa eta kontrola

Aurreikusitako lagapenak: Ez dira egiten

Oharra: Zure eskaeraren xedea kudeatzean, litekeena da eskaera beste fitxategi batean sartzea.

Sinatzaileak bere datu pertsonalak tratatzeko baimena ematen du eta, eta aurreikusita egonez gero, baita lagatzeko ere.

Interesdunak datuetara sartzeko, horiek zuzentzeko eta deuseztatzeko eta horien aurka egiteko eskubidea baliatu dezake Udalaren aurrean.

Informazio gehiago: LOPD

Fitxategiaren izena: sarreren eta irteeren erregistroa