Biztanleen udal erroldan helbide - aldaketak jasotzea (udalerri barrukoak)

ZER DA? ZERTARAKO DA?

Biztanleen Udal Erroldako inskripzioan Zarautzen erroldatuta dagoen pertsona baten helbideari buruzko datuak aldatzea.

NORK ESKA DEZAKE?

Edozein pertsonak edo haren legezko ordezkariak

AURKEZTU BEHARREKO AGIRIAK

IDENTIFIKAZIO-AGIRIAK (espiniar nazionalitatea):

  • Erroldatzen diren pertsona guztien NANak (nahitaezkoa 14 urtetik aurrera).
  • Adingabe ez emantzipatuak badira, familia-liburua. Gurasoetako batekin bakarrik erroldatzen bada, horretarako ahalmena duela aitortzen duen dokumentua. Banaketa edo dibortzioetan,adingabearen tutoretza egiaztatu beharko da, epailearen erabakiaren edota agiri administratiboaren bidez.
  • Interesduna ez den beste pertsona batek egiten edo sinatzen badu tramitea, ordezkaritza-agiria.

ATZERRITARREN IDENTIFIKAZIO-AGIRIAK:

  • Europar Batasuneko, Norvegiako, Islandiako, Liechtesteingo eta Suitzako herritarrek euren nazionalitate-herrialdeko pasaportea edo nortasun-agiria aurkeztu beharko dute (indarrean egon behar du), eta Atzerritarren Erregistro Zentralean izena emanda badaude (AIZ hor egongo da jasota), hori egiaztatzen duen agiria. Inskripzioa, gehienbat, AIZekin egingo da.
  • Beste estatu batzuetako herritar nazionalek Espainiako agintaritzak emandako bizileku-txartela aurkeztu beharko dute (txartelak indarrean egon behar du). Halakorik izan ezean, euren nazionalitate-herrialdeko pasaportea aurkeztu ahalko dute (indarrean egon beharko du). Beste herrialdeetako bizileku-txartela ez da baliagarria izango. Inskripzioa, gehienbat, AIZekin egingo da.

ETXEBIZITZAREN AGIRIAK

  • Etxebizitza okupatuan: Etxebizitza erabiltzeko eskubidea duen titular erroldatuaren baimen sinatua (jabea, maizterra) eta hori egiaztatzen duen dokumentua (eskritura publikoa edo alokairu kontratua eta azken ordainagiria). Baimena ematen duen pertsonaren NANaren fotokopia ere bai.
  • Etxebizitza hutsean:
  • Etxebizitzaren okupazioaren egiaztagiria. Ondorengo edozein dokumentu izango da baliagarria:
    • Etxebizitzaren salerosketa-eskritura.
    • Etxebizitzaren alokairu-kontratua eta alokairuaren azken ordainagiria.
    • Erabilera-eskubideari buruzko beste titulu batzuk (epai judiziala dibortzioen kasuan, testamentuak, dohaintzak, etab.).
  • Hala badagokio, erroldatzeko baimena eta baimen hori ematen duen pertsonaren NANaren fotokopia.

LOKALAREN AGIRIAK (ikus 1.11 fitxan zehazten diren baldintzak)

  • Lokalaren okupazioaren egiaztagiria. Ondorengo edozein dokumentu izango da baliagarria:
    • Lokalaren salerosketako eskritura.
    • Lokalaren alokairu-kontratua.
    • Erabilera-eskubideari buruzko beste titulu batzuk (epai judiziala dibortzioen kasuan, testamentuak, dohaintzak, etab.).
  • Hala badagokio, erroldatzeko baimena eta baimen hori ematen duen pertsonaren NANaren fotokopia.
  • Lokalaren ur eta elektrizitate horniduren ordainagiriak (gutxienez azken 3 hilabetekoak).

NON ESKATZEN DA?

    Aurrez aurre:
  • HAZ
    ZARAUTZ
    Goizez: astelehenetik ostiralera 7:30 - 15:00. Arratsaldez osteguna 17:00 - 19:00
    943005100 - 010 Zarauztik

          Posta bulegoak:
        • Posta bulegoak ziurtagiri irekiaren bidez

        ZENBAT KOSTATZEN DA?

        Doan

        PROZEDURAREN EPEA

        • Aurreikusitako epea: Momentuan
        • Prozedura arrunta. Legezko gehienezko epea: Zehaztu gabe

        ARAUDI APLIKAGARRIA

        ESKAERA JASO ONDOREN JARRAITU BEHARREKO PROZEDURA

        • Aipatutako gainerako agiriekin batera aurkeztutako dokumentuak egiaztatu (garrantzitsua da Estatistikako Institutu Nazionalarekin lotutako tramiteak eta funtzioak egiteko).
        • Betekizun guztiak betetzen badira, datuak biztanleen erroldako aplikazio informatikoan sartu eta eskabide-orria inprimatu; dokumentu osagarriak fotokopiatu; interesdunari sinarazi eta azkenik dokumentu denak eskaneatu dagokion helbidean.
        • Erolda agiria eman.
        • Helbide aldaketa lokal batean bada, 1.11 fitxan zehazten dena jarraitu. HAZen ez da berehala egingo mugimendua.
        • Idazkaritzara bidali.

        NORK ONARTU BEHAR DU?

        Ez dagokio

        IZAPIDETZEKO ARDURA DUEN UDAL SAILA

        IDAZKARITZA - IDAZKARITZA

        OHARRAK

        • 2.6. tramitearekin (“Helbide fiskala aldatzea”) eta, hala badagokio, 2.10. tramitearekin (“Titulartasuna eta/edo helbideratzeak aldatzea”) batera egingo da tramite hau.
        • Herritarrari trafikoko dokumentuen helbide-aldaketa ere eskainiko zaio.

        Geroagoko tramiteen laburpena

        Artxibatu

        DATU PERTSONALEN BABESA

        Fitxategiaren izena: Biztanleen Udal Errolda

        Fitxategiaren xedea: Biztanleen udal erroldaren kudeaketa. Datuok jarduera administratiboan zehar eta ondoren tratatuko dira; eta hori hauek emandako irizpideen arabera: estatistikako EIN erakundea eta Euskal Kultur Ondarearen Legedia (7/1990 Legea).

        Aurreikusitako lagapenak: Arloan eskumena duten hirugarren erakundeei emango zaizkie datu pertsonalak; esate baterako, Estatistikako Institutu Nazionalari, EUSTATi, Epaitegi eta Auzitegiei edo beste Administrazio Publiko batzuei (adibidez, Gipuzkoako Foru Aldundiari, udalei eta ud

        Oharra: Zure eskaeraren xedea kudeatzean, litekeena da eskaera beste fitxategi batean sartzea.

        Interesdunak eskubidea du bere datuak eskuratzeko, zuzentzeko, ezabatzeko eta horien tratamendua mugatu edo horren aurka egiteko. Horretarako, komunikazio idatzi bat bidaliko du Udalaren helbidera (bere nortasuna frogatzeko agiria sartuta) edo dbo-dpd@zarautz.eus helbide elektronikora. Eskubidea du, baita ere, datuen babesaren arloko Kontrol Agintaritza eskudunaren babesa eskatzeko.

        Adingabeen datuak: Adingabearen guraso-ahalaren edo tutoretzaren titularrak baimena ematen du datu pertsonalak tratatzeko, aurrez adierazitako helburuekin.