Bide publikoan jarduerak baimentzea

ZER DA? ZERTARAKO DA?

Jardueretarako jabari publikoaren edo gune irekiak okupatzeko dagokion udal baimena lortzea. Oholtza, karpak, instalazio gehigarriak (ura, argia, zabor-edukiontziak) behar dituzten jarduerak.

NORK ESKA DEZAKE?

Irabazi-asmorik gabeko elkarte edo pertsona fisikoek eskatu ahal izango dituzte.

AURKEZTU BEHARREKO AGIRIAK

NON ESKATZEN DA?

    Aurrez aurre:
  • HAZ
    ZARAUTZ
    Goizez: astelehenetik ostiralera 7:30 - 15:00. Arratsaldez osteguna 17:00 - 19:00
    943005100 - 010 Zarauztik

        ZENBAT KOSTATZEN DA?

        Doakoa da irabazi-asmorik gabeko elkarte edo pertsona fisikoak badira eskatzaileak, eta aktibitatea irabazi-asmorik gabeko helburu sozial bat betetzera bideratzen bada.

        Gainerakoetan, bide publikoa okupatzeagatik ezarrita dauden ordenantza fiskalen arabera.

        PROZEDURAREN EPEA

        • Aurreikusitako epea: 15 egun
        • Isiltasun-administratiboaren izaera: Ezezkoa

        ARAUDI APLIKAGARRIA

        Ez dagokio

        ESKAERA JASO ONDOREN JARRAITU BEHARREKO PROZEDURA

        • Eskabide-orria eta agiriak jasotzea, eskaneatzea, egiaztatzea eta erregistratzea.
        • Eskatzaileari kopia zigilatu bat ematea, ziurtagiri gisa.
        • Eskaera Turismo, Jaiak eta Ekitaldiak departamentura bidaltzea.

        NORK ONARTU BEHAR DU?

        Alkateak edo izendatutako organo eskudunak

        IZAPIDETZEKO ARDURA DUEN UDAL SAILA

        TURISMOA, EKITALDI ETA JAIAK - JAIAK ETA EKITALDIAK

        OHARRAK

        Eskaera, gutxienez ekitaldia ospatu baino 15 egun lehenago egin beharko da.

        Eskaera epearen barruan egiten ez bada, salbuespen gisa onartuko da aurreneko aldia bada; baina eskatzaileari irregulartasunaren berri emango zaio, idatziz, eta aurrerantzean epez kanpoko eskaerarik ez dela onartuko jakinaraziko zaio.

        Fidantza eta aseguru-poliza eskatuko da. Dagokion ekitaldiaren arabera, kopuruak aldatuko dira.

        Geroagoko tramiteen laburpena

        • Teknikariak txostena egin.
        • Jaiak eta Ekitaldiak departamentura pasa, hala badagokio material erreserba egiteko
        • Herrilanera pasa, txostena egin, baldintzak ezarri eta dagokien baliabideak jarri ditzaten, hala badagokio.
        • Udaltzaingora pasa jakinaren gainean jartzeko edo txostena egiteko, hala baldin badagokio.
        • Ebazpen proposamena egin.
        • Alkateak edo izendatutako organo eskudunak ebatzi.
        • Interesdunari jakinarazi
        • Fidantza ezarri
        • Ekitaldia bukatu ondoren, txosten teknikoak egin.
        • Fidantza itzuli

        DATU PERTSONALEN BABESA

        Fitxategiaren izena: Turismoa, jaiak eta ekitaldiak

        Fitxategiaren xedea: Herriko turismoaren kudeaketa eta sustapena, eta establezimendu publikoen eta jolas jardueren eta jaien eta beste ekitaldi batzuen antolaketa eta kudeaketa.Datuok jarduera administratiboan zehar eta ondoren tratatuko dira; eta hori, honen arabera: Euskal Kultur Ondarearen Legedia (7/1990 Legea).

        Aurreikusitako lagapenak: Detektatu gabe

        Oharra: Zure eskaeraren xedea kudeatzean, litekeena da eskaera beste fitxategi batean sartzea.

        Interesdunak eskubidea du bere datuak eskuratzeko, zuzentzeko, ezabatzeko eta horien tratamendua mugatu edo horren aurka egiteko. Horretarako, komunikazio idatzi bat bidaliko du Udalaren helbidera (bere nortasuna frogatzeko agiria sartuta) edo dbo-dpd@zarautz.eus helbide elektronikora. Eskubidea du, baita ere, datuen babesaren arloko Kontrol Agintaritza eskudunaren babesa eskatzeko.

        Adingabeen datuak: Adingabearen guraso-ahalaren edo tutoretzaren titularrak baimena ematen du datu pertsonalak tratatzeko, aurrez adierazitako helburuekin.