Internetetik identifikatzeko gakoa eskuratzea: b@kQ ziurtagiria

Zer da? Zertarako da?

Bergarako Udaleko eta beste hainbat erakunde publikotako (Euskadiko beste udalak, Foru Aldundiak, Osakidetza...) zerbitzu telematikoetan identifikatu eta izapideak egiteko, B@kQ ziurtagiri kualifikatua eskura daiteke Bergarako Udalean.

B@kQ pertsona fisikoak elektronikoki identifikatzeko baliabide bat da, kautotzeko eta sinatzeko aukera ematen duena. Elementu hauek osatzen dute: erabiltzailearen NAN, pasahitza, eta 16 karaktere alfabetiko eta numeriko dituen koordenatu-joko bat.

Ziurtagiria eskuratzeko, IDENTIFIKAZIO PRESENTZIALA behar da; horregatik, beharrezkoa da udaleko HAZ-SAC bulegora bertaratzea NANarekin.

Nork eska dezake?

16 urte beteta eta gaitasun juridiko eta jarduteko gaitasun osoa duen edonork.

Aurkeztu behar diren agiriak

  • Estatuko herritarra izanez gero:
    • NAN, pasaportea edo gidabaimena.
  • Atzerriko herritarra izanez gero: Europar Batasuneko kidea edo Europako Esparru Ekonomikoko estatuetako kidea:
    • Atzerritarren Identifikazio Zenbakia (AIZ).
    • Batasuneko Kideen Herritarren Erregistroak emandako ziurtagiria.
  • Erkidegotik kanpoko herritarra:
    • Atzerritarren identifikazio zenbakia (AIZ).
    • Indarrean dagoen bizileku-txartela (jatorrizkoa).
  • Helbide elektronikoa.
  • Telefono mugikorraren zenbakia.

Non eskatzen da?

              Eska daiteke halaber:

              • Anbulategian (Boni Laskurain 17): 8:00etatik 20:00etara.
              • KZgunean (Barrenkalea 35 - Irizar jauregia 3. solairua)

              Kostua

              Udalak bere gain hartzen du kudeaketaren kostua.

              Erabakitzeko epea

              • Aurreikusitako epea: Momentuan.

              Legeak eta arauak

              • Izenperekin hitzarmena

              Eskaera egin ondoren jarraitu beharreko prozedura

              Arreta-gunean eskaera osatu ondoren, eskatzaileari mezu elektroniko bat bidaliko zaio. Mezuan honako hauek adieraziko dira: koordenatuak, eta jaulkitzeko eta aktibatzeko prozesua egiteko lotura bat.

              Jaulkitzeko eta aktibatzeko prozesua oso erraza da:

              1. SMS mezua bidaliko da pasa-hitz batekin; pasa-hitz hori aldatu behar da, eta gogoratzeko erraza den beste pasa-hitz bat jarri.
              2. Datu pertsonalak egiaztatu, eta B@kQ erabiltzeko jarraibideak eta baldintzak onartu behar dira.
              3. Lehenengo kautotzea egingo da, sinaduraren ziurtagiria hodeian jaulkitzeko.
              4. B@kQ prest egongo da kautotzeko eta internet bidezko harremanetan sinatzeko.

                Organo erabakitzailea

                Izapidetze honen ardura duen departamentua

                Bergarako Udala - Idazkaritza

                Oharrak

                • Bergarako Udaleko egoitza elektronikoko zerbitzu telematikoetara sartzeko, onartutako beste edozein identifikazio-sistemak ere balio du. Adibidez: txartel digitaleko ziurtagiriak (Izenpe, NAN-e, Camerfirma edo FNMT).
                • Izenpeko B@kQ ataria
                  Hemendik aldatu ahal izango dituzu zure pasa-hitza, B@k/B@kQ-ren harremanetarako datuak edo itsasontzi-jokoa; eta baita zure egoera kontsultatu ere, identifikazio-mekanismoak probatu edo itsasontzi-jokoaren koordenatuen berrigorpena eskatu.

                Datu pertsonalen babesa

                Egindako eskaeretako datu pertsonalak Bergarako Udalaren jabetzakoak diren eta behar bezala baimenduta dauden fitxategietan sartuko dira.

                Datu horiek udal kudeaketarako bakarrik erabiliko dira, baina beste administrazio publiko bati edo besteren bati laga edo jakinarazi ahal izango zaizkie, datu pertsonalak babesteari eta eskubide digitalak bermatzeari buruzko abenduaren 5eko 3/2018 lege organikoan aurreikusitako kasuetan.

                Datuak eskuratzeko, ezeztatzeko, zuzentzeko edo horien aurka egiteko eskubidea erabili ahal izango da, ondorengo helbidera zuzenduta:

                Bergarako Udala

                San Martin Agirre plaza, 1

                20570 Bergara