Gazteen emantzipazio prozesuan lagungarria izan daitekeen proiektu komunitarioa da. Beste gazteekin elkarbizitzan eta kooperazioa du xedea. Gela bat alokatzeko aukera dute eta parte hartzaileek komunitatean lan batzuk eskainiko dituzte.
Gazteen etxebizitza komunitarioen esleipenerako zozketan parte hartzea izango dute Errenteriako udalerrian erroldaturiko pertsonak eta errealki herrian bizi direnak gutxienez aurreko sei hilabeteetan adjudikatzeko deialdiaren iragarkia argitaratzen denetik. Gainera honako baldintza guztiak ere bete beharko dituzte:
b) Gutxienez 18 urte eta gehienez 30 urteko adina izatea, eskariak aurkezteko deialdiaren bukaera datan.
c) Zergen ordainketan edo bestelako betebeharretan egunean egotea Errenteriako Udalarekin.
d) Etxebizitzarik ez izatea, ez jabetzan, ez usufruktuan ezta alokairuan ere.
e) Gehinezko diru-sarrerak: urtean 26.000€ gordineko diru-sarreratik behera ingresatu beharko du, urte horretako ekitaldi fiskalaren arabera.
Onartua izateko baldintzak betetzen direla egiaztatzeko, eskaerarekin batera honako dokumentazioa aurkeztu beharko da:
a) NAN-a edo legez ordezkatzen duen dokumentua.
b) Baldintza agiri hauen 3. atalean ezarririko baldintzak betetzen direlako ardurapeko deklarazioa (III Eranskinaren arabera).
Udalak eskatzaile bakoitzari dokumentazioa eskatuko dio, baldintzak betetzen dituela justifikatu ahal izateko
Bizilagunaren diru-sarreren % 15ean finkatuko da errenta. Gutxienez, 90 euro hileko. Urtero errebisatuko da zenbateko hori, maizter bakoitzaren diru-sarreretara egokitze aldera. Argindarraren eta uraren kontsumoa prezio horren barne daude, arduratsua den neurrian.
1. Onartutako eta alde batera utzitako pertsonen behin-behineko zerrenda Udalaren iragarki taulan eta udal web orrian jarriko da.
2. Udalak eskatzaile bakoitzari dokumentazioa eskatuko dio, baldintzak betetzen dituela justifikatu ahal izateko.
3. Zozketa egingo da Libre Office programa informatikoaren ausazko funtzioa erabiliz. Era horretan, lehenengo zerrenda bat egingo da etxebizitzetara sartzeko lehentasuna ezartzeko.
4. Libre dauden plazak baino pertsona gehiagok osatzen badute zerrenda, eta lehenengo 26 horien artean, (dagoeneko bertan bizi diren pertsonak kontuan izanda) ez balitz beteko ordenantzaren 14. artikuluan eskatutako paritatea, zerrenda berriro ordenatuko da, lehenengo 26 postuen arteko generoen desoreka ez dadin izan artikulu horretan ezarritako %60-40% baino handiagoa.
Zozketa ekitaldian bertan adieraziko da zein gela dauden zozketarako libre. Gazteriako web orrian gazteria.errenteria.eus kontsultatu ahal izango da ere.
Ondorioz, zerrendako 1. zenbakia duen pertsonari libre dagoen lehenengo gela egokituko zaio, 1. zenbakitik hasita, eta horrela hurrenez hurren libre dagoen azken gela esleitu bitartean zozketa bidez azken postua duen pertsonarengana iritsi arte.
27. zenbakia duen pertsonak eta hurrengoek itxaron-zerrendan sartuko dira.
Prozedura bukatu ondoren, behin betiko zerrenda osatzen duten pertsonei logela esleitu ondoren, programan parte hartzeko izen-ematea irekia izango da. Eskaera berriak itxaron-zerrendan sartuko dira, izen emate dataren arabera. Zerrenda hau gazteria.errenteria.eus web orrian kontsultatu ahal izango da.
Gela bat libre gelditzen den bakoitzean, Udalak dagokion pertsonari jakinaraziko dio, itxaron-zerrendako ordenari jarraiki, beti ere (%60-%40) parekotasuna betetzen denean.
Sartzeko aukera duen pertsonak, momentu horretan, etxebizitzara sartzeko oztopoak baditu baina itxaron zerrendan jarraitu nahi badu, espresuki idatziz adierazi beharko du, zergatia behar bezala arrazoituz. Egoera aztertu ondoren erabakiko da bere eskaera mantentzen den. Baiezkoa erabakitzen bada, itxaron-zerrendako azken postura pasatuko da.
5. Hori egin ondoren, beharrezkoa balitz, zerrendako lehenengo 26 pertsonen izen eta abizenen ondoan bakoitzari dagokion gela adieraziko da, oinarri hauen I eranskinean jasotako gela numerazioa kontuan hartuta.
6. Baldintza guztiekin bete ezkero, gela bat egokituko zaio, zozketa emaitzaren arabera.
Hezkuntza, Gazteria eta Kirolak - Gazteria
Iraila amaieran (oraindik data zehazteko dago) bigarren izen-emate epe bat zabalduko da. Bertan parte hartzeko baldintzak, berdinak izaten jarraitzen dute.
Bigarren izen-emate prozesua amaitzen denean, izena emateko aukera izan ez dutenentzat epea zabalik geratuko da, data mugarik gabe.
Tramitazio Segurua