Arriskutsuak izan daitezkeen animaliak (AIA) edukitzeko lizentzia

ZER DA? ZERTARAKO DA?

Arriskutsuak Izan daitezkeen Animaliak (aurrerantzean AIA) edukitzeko, trebatu eta maneiatzeko administrazioko lizentzia lortzea edo berritzea. Beharrezkoa da arriskutsua izan daitekeen txakurrarekin pasieran ibili nahi duenarentzat.

-AIA edukitzeko lizentzia beharrezkoa izango da, txakurra arraza hauetako batekoa baldin bada:

- Pit Bull Terrier
- Staffordshire Bull Terrier
- American Staffordshire Terrier
- Rottweiler
- Dogo argentinarra
- Fila Brasileiro
- Tosa Inu
- Akita Inu

-Era berean, beharrezkoa izango da lizentzia lortzea honako kasu hauetan:
a) Baldin eta animaliaren ezaugarri guztiak edo gehienak Euskal Autonomia Erkidegoan txakurrak edukitzeari buruzko ekainaren 1eko 101/2004 Dekretuaren II. Eranskinean agertzen diren ezaugarriekin bat badatoz.
b) Alkatetza-ebazpenez arriskutsu izan daitekeen animaliatzat jotzen bada, hark pertsonak edo beste animali batzuk eraso baditu. Emandako lizentzia jakinaraztetik aurrera hilabete izango du animaliaren jabeak lizentzia eskatzeko.

NORK ESKA DEZAKE?

Pasaian erroldaturiko adin nagusiko herritarrak, AIA gisa kalifikaturiko animalien jabeak, edo eta horretako animaliaren bat leku publikoetan eraman behar dutenak.

AURKEZTU BEHARREKO DOKUMENTAZIOA

Lizentzia lortzea edo berritzea:

  • Ofizioz egiaztatuko da eskatzailea Pasaiaen erroldatua dagoen.
  • Eskatzailearen NAN, AIZ edo pasaportea.
  • Eskatzailearen argazki bat, berria, karnet tamainakoa.
  • Gaitasun fisiko eta psikikoaren ziurtagiria, behar bezala baimendutako zentroek egina, gehienez ere urtebeteko antzinatasunarekin, ziurtagirian beste iraungitze data bat azaltzen ez bada.

NON ESKATZEN DA?

        Posta arrunta:
      • Donibane kalea 19 20110 PASAIA

      ZENBAT BALIO DU?

      001 - Tasak dokumentuak egiteatik
      Zerbitzua prestatzeko eskatzen denean, Administrazioak tasa ordaintzeko eskatu ahalko du eskabidea erregistratutakoan edota bestela dokumentua edo lizentzia ematen den momentuan.

      Udalak, eraginkortasun eta ekonomia-irizpideei jarraiki, tasaren bilketan salbuespen hau ezartzen du: ordaintzetik salbuesten ditu 6 euroko kuota gainditzen ez duten ordainagiriak. Ordainagiri berean likidatuko dira espediente bati dagozkion dokumentu eskaerak, egun berean eskatuak direnean.
      Fotokopiak egitea edo inprimatzea: fotokopiatutako edo inprimatutako orrialdeko0,15 Euro
      Dokumentuak konpultsatzea: folioko0,60 Euro
      Akordio edo espedienteen ziurtagiriak: folioko2,50 Euro
      Udaltzaingoak egindako eginbideen kopiak21,00 Euro
      Eskatzaileak izapidetutako lizentziari uko egitea31,00 Euro
      Arma txartelak egitea25,00 Euro
      Arriskutsuak izan daitezkeen txakurrak edukitzeko lizentzia egitea25,00 Euro
      Arriskutsuak izan daitezkeen animalien erregistroa12,00 Euro

      PROZEDURAREN EPEA

      • Aurreikusitako epea: hilabete 1
      • Prozedura arrunta. Legezko gehienezko epea: 3 hilabete

      ARAUDI APLIKAGARRIA

      ESKAERA JASO ONDOREN JARRAITU BEHARREKO PROZEDURA

      1. Egiaztatu lizentzia lortzeko baldintzak betetzen dituen.
      2. Udaltzaingoak txostena egin edo ebazpen-proposamena.
      3. Alkatetzaren ebazpena landu.
      4. Kontu-hartzailetza Arlora bidali han likidazioa egin dadin.
      5. Ebazpena interesdunari jakinarazi eta aditzera eman tasa ordaindu izanaren frogagiria aurkeztu behar duela edota bestela erregistroko inskripzio-txartela jasotzean ordaindu.
      6. Txartela egin eta HAZera bidali
      7. Herritarrak tasa ordaindu eta txartela jasoko du HAZen
      8. Ebazpenaren kopia Eusko Jaurlaritzaren AIEO Sailera bidali.

      NORK ONARTU BEHAR DU?

      Alkatetza

      IZAPIDETZEKO ARDURA DUEN UDAL SAILA

      Udaltzaingoa - Udaltzaingoa

      OHARRAK

      -Lizentzia lortzeak era honetako animaliak edukitzeko eta erabiltzeko ahalmena ematen du, baina titularrak AIAren Udal Erregistroan inskribatu beharra dauka animalia. Eta horretarako 15 eguneko epea du aipatutako erregistroan animalia inskribatzeko.

      -Bestalde, litekeena da lizentzia lortzea era honetako animaliarik izan gabe, esaterako, animaliaren bigarren zaintzaileak, etab. Nolanahi ere, beharrezkoa izango da animaliaren zaintzaz, paseoaz edo erabileraz arduratuko den pertsona bakoitzak bere lizentzia pertsonala edukitzea.

      -Lizentzia honek bost urteko balioa izango du, eta epea igarotakoan berritu egin beharko da. Beraz, lizentzian ageri den bizilekura bidaliko zaio txartelaren balio-epea amaitu baino lehen, hura berritzeko izapideak egin ditzan.

      -Beste edozein udalerritan lortutako lizentziak balioko du Pasaiarako ere. Alabaina, beste udalerriren batean ateratako lizentzia duena Pasaian bizi bada, lizentzia-berritzea Pasaian egingo da.

      -Animaliaren jabea pertsona juridikoa bada, animaliaren zaintza eta kontrolaren ardura dutenek eskatu beharko dute lizentzia.

      GALDU, LAPURTU EDO HONDATU DELAKO KOPIA LORTZEA:
      - Eskari-orri orokorra.
      - Hondatuz gero, hondatutako lizentzia.

      DATU PERTSONALEN BABESA

      Fitxategiaren izena: Udaltzaingoa

      DBEB kodea: 1961210008

      Fitxategiaren xedea: Trafikoaren eta segurtasunaren udal zerbitzuen funtzio administratiboak (trafiko-isunak, udal ordenantzen urraketak,.) zein polizialak kudeatzea

      Aurreikusitako lagapenak:Estatukoak. Arauetan edo beste administrazio zein erakunde publikoekin sinatutako hitzarmenetan aurreikusitakoak

      Oharra: Zure eskaeraren xedea kudeatzean, litekeena da eskaera beste fitxategi batean sartzea.

      Sinatzaileak bere datu pertsonalak tratatzeko baimena ematen du eta, aurreikusita egonez gero, baita lagatzeko ere.

      Interesdunak datuetara sartzeko, horiek zuzentzeko eta deuseztatzeko eta horien aurka egiteko eskubidea baliatu dezake Udalaren aurrean.

      Informazio gehiago: www.pasaia.eus/DBLO