Adingabekoen arrisku-egoeren balorazioa

ZER DA? ZERTARAKO DA?

Haurraren edo nerabearen garapenerako kaltegarritzat jotzen diren egoeren balorazioa.

Arrisku-egoera agertuko da, gizartearen, familiaren edo adingabearen beraren gorabeheren ondorioz, adingabearen garapena eta ongizatea mugatuta edo kaltetuta gertatzen badira, eta gurasoek, tutoreek edo zaintzaileek ez badituzte beren gain hartzen haurraren edo nerabearen garapen egokia bermatu ahal izateko

NORK ESKA DEZAKE?

  • Pasaian erroldatuta dauden pertsona edo familia interesdunek eskatuta: familiako kideren batek onartu behar du zailtasunak dituela eta laguntza profesionala eskatu behar du.
  • Udalak bere kabuz:
    • Hirugarren batzuek (ikastetxeek, osasun zentroek, poliziak, udal zerbitzuek, bizilagunek...) gizarte zerbitzuei arrisku-egoeren berri eman ondoren.
    • Gizarte Ekintza Sailak arrisku-egoeraren bat detektatu ondoren.

AURKEZTU BEHARREKO DOKUMENTAZIOA

  • NAN edo nortasuna egiaztatzeko beste agiriren bat.
  • Familia-liburua.

NON ESKATZEN DA?

Aurrez aurre:

  • 8:00etatik 14:00etara eta astelehenetik ostiralera udaleko gizarte zerbitzuetan.

ZENBAT BALIO DU?

Ez du kosturik

PROZEDURAREN EPEA

  • Aurreikusitako epea: 3 hilabete
  • Prozedura arrunta. Legezko gehienezko epea: 3 hilabete

ARAUDI APLIKAGARRIA

ESKAERA JASO ONDOREN JARRAITU BEHARREKO PROZEDURA

  1. Gizarte- eta familia-egoera ikertzea, helburu hauekin:
    1. Arrisku-egoera dagoela egiaztatzea.
    2. Larritasunaren balorazioa egitea; berriro gertatu ote daitekeen aztertzea, eta haurraren edo nerabearen osasuna edo bizia arriskuan ote dagoen aztertzea.
    3. Larrialdiko babes-neurriak hartu behar ote diren aztertzea, eta beharrik izanez gero, hartzea.
  2. Arrisku-egoeraren ebaluazioa edo balorazioa egitea, helburu hauekin:
    1. Arrisku egoera edo babes gabezia egoera zertatik datorren eta zergatik mantentzen den zehaztea, hala nola, iturburua norberarengan, familian edo gizartean ote dagoen zehaztea. Aldi berean, familiaren antolamenduaren aldeko arloak zeintzuk diren zehaztea.
    2. Haurraren garapen fisikoan, psikologikoan eta/edo sozialean arrisku edo babes gabezia egoeraren ondorioak zeintzuk izan diren zehaztea.
    3. Haurraren eta familiaren tratamendurako eta laguntzarako beharrak zeintzuk diren zehaztea.
    4. Gurasoek edo legezko arduradunek guraso izateko gaikuntzarik ote duten zehaztea.

NORK ONARTU BEHAR DU?

Ez dagokio

IZAPIDETZEKO ARDURA DUEN UDAL SAILA

Gizarte Ekintza arloa - Gizarte Zerbitzuak

OHARRAK

Arrisku-egoeraren balorazioa egin ondoren, egiaztatzen bada arrisku edo babes gabetasun egoera larria edo oso larria dela, udaleko gizarte zerbitzuek espedientea Gipuzkoako Foru Aldundira bideratuko dute, Aldundiak baitu eskumena larrialdi handiko kasuetan.

DATU PERTSONALEN BABESA

Fitxategiaren izena: Gizartekintza

DBEB kodea: 2050820228

Fitxategiaren xedea: Udalaren eta gizartekintzako zerbitzuen erabiltzaile eta onuradunen arteko harremanak kudeatzea

Aurreikusitako lagapenak:Estatukoak. Arauetan edo beste administrazio zein erakunde publikoekin sinatutako hitzarmenetan aurreikusitakoak

Oharra: Zure eskaeraren xedea kudeatzean, litekeena da eskaera beste fitxategi batean sartzea.

Sinatzaileak bere datu pertsonalak tratatzeko baimena ematen du eta, aurreikusita egonez gero, baita lagatzeko ere.

Interesdunak datuetara sartzeko, horiek zuzentzeko eta deuseztatzeko eta horien aurka egiteko eskubidea baliatu dezake Udalaren aurrean.

Informazio gehiago: www.pasaia.eus/DBLO