Bizimodu independentea sustatzeko diru laguntza

ZER DA? ZERTARAKO DA?

Desgaitasun edo mendekotasun egoeran dauden pertsonen autonomia pertsonala eta pertsona horien gizarteratzea errazteko, komunitatean egotea eta txertatzea ahalbidetu eta gizartetik isolatzea edo bereiztea saihesteko behar duten laguntza pertsonala kontratatzeko diru laguntzak emanez.

Zenbatekoa izango da laguntza?

Laguntzaren kopurua ez da inola ere izango handiagoa, egoitzetan eskatzailearen antzeko premia duten pertsonei laguntza zerbitzu hori emateko ezarrita dagoen gehieneko prezioa baino.

Laguntza hau osagarria da eta, hortaz, bateragarria da edozein administrazio publikoko xede berarekin eman dezakeen beste laguntza ororekin (bereziki elbarritasun handiaren osagarria; 18 urtetik gora eta % 75eko desgaitasuna edo gehiago duen seme-alaba norberaren kargura edukitzeagatikoa; kotizatu gabeko desgaitasun pentsioa jaso eta hirugarren pertsona baten beharra izateagatikoa; edo beste norbaiten laguntza beharragatik jasotzen dena).

NORK ESKA DEZAKE?

Egoitza baliabideak erabiltzeari uko egin eta bakarrik bizitzeko edo bere familia unitatea eratzeko hautua egiten dutenak, mendekotasun edo desgaitasun kalifikazioa edukita. Horrez gain, ondorengo baldintzak bete behar dituzte:

  • Gipuzkoako Lurralde Historikoan erroldatuta egotea, gutxienez urtebete lehenagotik.
  • Mendekotasun egoeran dagoen pertsonaren kalifikazioa izatea edo, desgaitua izanik, beste norbaiten laguntza beharra izatea, 15 puntuko edo gehiagoko balorazioarekin (edo MBB balorazioa 25 edo puntu gehiagorekin).
  • Laguntza pertsonalerako prestazio ekonomikoa (LPPE) edo, hori posible izango ez balitz, familia inguruneko zaintzetarako prestazio ekonomikoan (FIZPE) eskatu izana, horiek jasotzeko eskubidea baldin badu behintzat.
  • Etxebizitza egokia edukitzea.
  • Laguntza pertsonaleko azpiegitura nahikoa edukitzea.
  • Bideragarritzat joko den bizitza independenterako proiektua aurkeztea.
  • Laguntzaile pertsonalaren lan-kontratua eta gizarte segurantzako alta egiaztatzea, programan dagoen denbora osoan.

AURKEZTU BEHARREKO DOKUMENTAZIOA

  • NAN edo nortasuna egiaztatzeko agiria.
  • Diru-sarreren zurigarri eguneratua.
  • Elkarbizitza ziurtagiria.
  • Bizimodu independentearen proiektua.
  • Laguntzaile pertsonalen lan-kontratua eta gizarte segurantzako alta.

NON ESKATZEN DA?

    Aurrez aurre:
  • Astelehenetik ostiralera
    Udaletxean, Gizarte Ongizate Sailean
    Herriko plaza z.g. 20720 AZKOITIA
    09:00-14:00
    943857174

              Hitzordua:
            • Hitzordua eskatu 943 857174 telefono zenbakian.
              AZKOITIA

            ZENBAT KOSTATZEN DA?

            Doan. Udalak hartzen du bere gain kudeaketaren kostua.

            PROZEDURAREN EPEA

            • Aurreikusitako epea: 6 hilabete
            • Prozedura arrunta. Legezko gehienezko epea: 6 hilabete
            • Isiltasun-administratiboaren izaera: aurkakoa

            ARAUDI APLIKAGARRIA

            ESKAERA JASO ONDOREN JARRAITU BEHARREKO PROZEDURA

            • Dokumentazioa egiaztatzea, eskaneatzea eta eskaera balioestea.
            • Eskaera Gipuzkoako Foru Aldundiko Gizarte Politikako Departamentura bidaltzea.
            • Aldundiak ebazpena postaz jakinarazten du.

              NORK ONARTU BEHAR DU?

              Gipuzkoako Foru Aldundiko Gizarte Politikako Departamentua

              IZAPIDETZEKO ARDURA DUEN UDAL SAILA

              Gizarte Ongizatea - Gizarte Zerbitzuak

              OHARRAK

              Informazio gehigarria

              DATU PERTSONALEN BABESA

              Eskatzailea jakinean geratzen da inprimaki honetako datu pertsonalak Azkoitiko Udalak behar bezala baimendutako fitxeroetan sartuko dituela. Datu horiek udal kudeaketarako bakarrik erabiliko dira, baina beste administrazio publikoei edo besteri laga edo jakinarazi ahalko zaizkie abenduaren 5eko 3/2018 Lege Organikoan, Datu Pertsonalak Babesteari eta eskubide digitalak bermatzeari buruzkoan, aurreikusitako kasuetan. Interesdunek datuak eskuratzeko, ezeztatzeko, zuzentzeko eta aurka egiteko eskubidea erabili ahal izango dute Azkoitiko Udalera zuzenduta.