Egun baliodunen/baliogabeen egutegia

Zer da? Zertarako da?

Urriaren 1eko Administrazio Publikoen Administrazio Prozedura Erkidearen 39/2015 Legeak, bere 31. artikuluan ezartzen duenez, administrazio publiko bakoitzak argitaratuko ditu dokumentuak elektronikoki aurkezteko zein egunetan eta zein ordutan egongo diren irekita (...) eta, halaber, zehaztuko du egun baliogabeen egutegia, epeak zenbatzeko (...).

Egun baliodunak, udal bulegoak irekita dauden eta herritarrei arreta ematen zaien egunak dira, hau da, astelehenetik ostiralera, jaiegunak izan ezik.

Jendaurreko ordutegia 08:00etatik 14:30era da, ekainetik irailera izan ezik, horietan 08:00etatik 13:30era baita.

Egun baliogabeak, egintza jakin batzuk egiteko edo epeak zenbatzeko egokiak ez diren jaiegunak dira. Epearen azken eguna baliogabea bada, hurrengo egun baliodunera luzatuko da. Egun bat balioduna bada interesduna bizi den udalerrian edo autonomia-erkidegoan, eta baliogabea administrazio-organoaren egoitzan, edo alderantziz, baliogabetzat joko da beti.

Epe bat egun baliodunekoa dela aipatzen denean, esan nahi da egunen zenbaketan urteko larunbat eta igande guztiez gain, honako jaiegunak ere kanpo geratzen direla:

2019ko egun baliogabeen egutegi ofiziala

  • Urtarrilaren 1a, Urteberri eguna.
  • Martxoaren 19a, San Jose eguna.
  • Apirilaren 18a, Ostegun Santua.
  • Apirilaren 19a, Ostiral Santua.
  • Apirilaren 22a, Pazko Astelehena.
  • Maiatzaren 1a, Langileen Eguna.
  • Maiatzaren 3a, Santakrutzak
  • Ekainaren 24a, Sanjoanak
  • Uztailaren 25a, Santiago Apostolua.
  • Uztailaren 31, San Ignazio
  • Abuztuaren 15a, Andra Mari eguna.
  • Urriaren 12a, Espainiako jai nazionala.
  • Azaroaren 1a, Domu Santu eguna.
  • Abenduaren 6a, Konstituzio eguna.
  • Abenduaren 25a, Eguberri eguna.

Nork eska dezake?

Prozedura batean interesa duen edonork kontuan hartu behar du egun natural, baliodun eta baliogabeen arteko bereizketa, bi arrazoirengatik:

1.- Egunak baliogabeak direnean, udal-bulegoak itxita egoten dira. Hala ere, eskaerak eta idatziak urteko egun guztietan eta eguneko 24 orduetan erregistratu daitezke erregistro elektronikoaren bidez .

2.- Epeak zenbatzeko:

  • Epea egun naturaletan: egun guztiak zenbatzen dira, bai egun lanegunak bai jaiegunak. Adibidez, hilaren 1. egunean hasten den 15 egun naturaleko epea hilaren 15ean amaituko da.
  • Epea egun baliodunetan: epeak egunetan adierazten direnean, egun baliodunak direla ulertuko da, eta ez dira zenbatuko larunbatak, igandeak eta jaieguntzat jotakoak.. Adibidez, 15 egun balioduneko epea hil bereko 15ean baino beranduago amaituko litzateke, larunbatak, igandeak eta jaiegunak zenbaketatik kanpo utzi beharko genituzkeelako.
  • Epea hilabetetan edo urtetan: epea hilabetetan edo urtetan ezartzen bada, dena delako egintza jakinarazten edo argitaratzen den egunaren biharamunetik aurrera zenbatuko dira, edo administrazio-isiltasunez baiesten edo ezesten den egunaren biharamunetik aurrera. Eta epearen jakinarazpena, argitalpena edo administrazio-isiltasuna gertatu zen egun berean amaituko da, mugaegunaren hilabete edo urtean.

Hau da, interesdunak udalaren erabaki edo ebazpen baten jakinarazpena jasotzen badu 2019.3.4an, horren aurkako berraztertze-errekurtsoa jartzeko hilabeteko epea, adibidez, 2019.4.4an amaituko da eta zuzenean administrazioarekiko auzi-errekurtsoa jarri nahi baduzu, bi hilabete horiek 2019.5.4an amaituko dira. Baina egun hori baiiogabea izanik, ulertuko da epea hurrego egun baliodun arte luzatzen dela, hau da, 2019.05.06ra.

Mugaegun-hilabetean ez badago hasierako egunaren baliokiderik, epea hilaren azken egunean amaitzen dela ulertuko da.

Aurkeztu beharreko agiriak

Prozedura edo tramitearen arabera

Non/Nola eskatu daiteke?

          Ordaindu behar da?

          Prozeduraren arabera.

          Izapidetze edo ebazpen epea

          • Aurreikusitako epea: Prozedura bakoitzari dagokiona
          • Legezko gehienezko epea: Prozedura hasiz gero, prozedura bakoitzari dagokiona.

          Araudi aplikagarria

          Eskaera jaso ondorengo urratsak

          Ez dagokio

          Nork onartu behar du?

          Tokiko Gobernu Batzarrak, Alkatetzak eskuordetuta

          Izapidetze ardura duen lansaila

          Langileria - 943 300 830 edo pertsonala@andoain.eus

          Beste zenbait ohar interesgarri

          • San Joan eta Santa Krutz egunak udalak berak onartzen ditu.
          • San Inazio eguna, Gipuzkoako patroia, Foru Aldundiak.
          • Eusko Jaurlaritzak: San Jose eguna, Ostegun Santua, Pazko astelehena eta Santiago apostolu eguna.
          • Gainerakoa Estatuak.

          Datu pertsonalen babesa

          Fitxategiaren izena: Sarreren eta irteeren erregistroa

          DBEB kodea: M07

          Fitxategiaren xedea: Udalera sartzen den eta bertatik irteten den paperezko nahiz euskarri telematikoko dokumentazioaren erregistroa eta kontrola

          Aurreikusitako lagapenak: Ez dira egiten

          Oharra: Zure eskaeraren xedea kudeatzean, litekeena da eskaera beste fitxategi batean sartzea.

          Sinatzaileak bere datu pertsonalak tratatzeko baimena ematen du eta, eta aurreikusita egonez gero, baita lagatzeko ere.

          Interesdunak datuetara sartzeko, horiek zuzentzeko eta deuseztatzeko eta horien aurka egiteko eskubidea baliatu dezake Udalaren aurrean.

          Informazio gehiago: LOPD