Borondatezko Ordezkaritzen Udal Erregistroan izena ematea

Zer da? Zertarako da?

Bergarako Udalaren aurrean interesdunaren izenean izapideak egiteko beste pertsona bati eman beharreko baimena ematea.

Borondatezko ordezkaritza honetaz baliatuta: interesdunak, jarduteko gaitasuna duenak, ordezkari baten bitartez jardutea erabakitzen du.

Ordezkaritza dokumentuen bidez egiaztatu beharko da.

ORDEZKARIAREN GAITASUNAK:

Ordezkaria denak Bergarako Udalaren aurrean jardun ahal izango du, ordezkatutako pertsona edo erakundearen izenean. Horrela:

- Ordezkatuaren datuak, eskabideak, espedienteak, ordainagiriak eta abar kontsultatu ahal izango ditu.

- Edozein izapide edo eskaera egin ahal izango du ordezkatuaren izenean.

- Ordezkatutako pertsona edo erakundeari zuzendutako jakinarazpen elektronikoen berri emateko mezu elektronikoa jasoko du, eta haietara sartu ahal izango da.

PR0230

Nork eska dezake?

Jarduteko gaitasuna duen edozein pertsona fisiko edo juridikoak

Aurkeztu behar diren agiriak

• F0136B Borondatezko Ordezkaritzen Udal Erregistroan izena emateko eskaera

________

• Izena emateko inprimakia (F0136B), behar bezala beteta eta parte hartzen duten pertsona guztiek sinatuta.
• Baimen-emailearen pertsonaren identitate-agiria.
• Baimendutakoaren identitate-agiria.

Identitate-agiriak ez dira beharrezkoak izango baldin eta aurkezpen telematikoa egin eta izena emateko eskaeran (F0136B) parte hartzen duten pertsona guztiek elektronikoki sinatzen badute.

ORDEZKTATUA PERTSONA FISIKO ADINGABEA DENEAN, GAINERA:

• Familia-liburua, edo jaiotza Erregistro Zibilean inskribatu izanaren hitzez hitzezko ziurtagiria (jaiotza-agiria).
• Guraso eskatzailea adingabearekin bizi ez bada, aurrekoaz gain, beste gurasoaren berariazko baimena, edo bestela guraso-agintea esleitzen duen epaia edo gurasoen eta seme-alaben arteko erlazio?hitzarmen arautzailea.

BAIMEN-EMAILEA PERTSONA JURIDIKOA DENEAN, GAINERA:

Enpresak:

• Baimen-ematea sinatzen duenak daukan ordezkaritza egiaztatzeko dokumentua: eskriturak edo notario-ahalordea.
• Baimen-ematea sinatzen duena legezko ordezkaria ez bada, aurrekoaz gain, enpresaren legezko ordezkari batek sinatutako dokumentua, legezko ordezkari horren identitate-agiriaren kopia batekin batera.

Entitateak (elkarteak, klubak, ....):

Ez da inolako dokumentaziorik aurkeztu beharko baldin eta Eusko Jaurlaritzako erregistroetan online bilatzaile publikoan egiaztatu badaiteke ordezkaria izango den pertsona hori entitatearen presidentea dela.

Bestelako kasuetan, baimen-ematea sinatzen duenak daukan ordezkaritza-ahalmena egiaztatzeko dokumentua: entitateko presidenteak eta idazkariak sinatutako ziurtagiria, non egiaztatuko den eskatzailea entitateko presidentea dela edo entitatearen izenean kudeaketa-lanak egiteko izendatuta dagoela.

Jabeen komunitateak:

• Gobernu-organoak izendatu dituen komunitatearen batzarraren akta.
• Aktan ordezkariaren izendapena ez bada aipatzen, aurrekoaz gain, presidenteak sinatutako ziurtagiria, non egiaztatuko den pertsona/enpresa hura izendatuta dagoela komunitate izenean kudeaketa-lanak egiteko.

Non eskatzen da?

Bertaratuta:
• B@Z (Bergararren Arreta Zerbitzua). AURREZ TXANDA HARTUTA
  Udaletxea
  San Martin Agirre plaza 1 20570 BERGARA
  010 (943 779 100 Bergaratik kanpo)
  943 779 163
  

Internet bidez:
• Goian aipatzen diren beharrezko AGIRI GUZTIAK bete eta hasi online tramitazioa

Kostua

Udalak bere gain hartzen du kudeaketaren kostua.

Erabakitzeko epea

• Aurreikusitako epea: Hiru egun
• Legezko epea: Bi hilabete.
• Administrazio isiltasunaren eragina: Ezespena.
  

Legeak eta arauak

• 39/2015 Legea, Administrazio Publikoan Prozedura Erkidearena (EAO, 236 zk.a, 2015/10/02) 6. art.
• Herritarrentzako Arreta Zerbitzuaren funtzionamendua arautzen duen ordenantza. 11. art.

Eskaera egin ondoren jarraitu beharreko prozedura

• Eskaera jaso, dokumentazioa egiaztatu, sarrera erregistratu eta eskatzaileari jaso-agiria eman.
• Dagokion aplikazio informatikoan datuak erregistratzea.

Organo erabakitzailea

Alkatea

Izapidetze honen ardura duen departamentua

Bergarako Udala - Idazkaritza

Oharrak

INDARRALDIA
Ordezkapenaren gehienezko indarraldia 5 urtekoa izango da, edo ordezkaritza egiaztatzen duen dokumentuan adierazitako egunera arte. Aita edo ama izateagatiko ordezkaritzek seme-alaba adin nagusitasuna lortzen duen arte izango dute indarraldia.

ORDEZKARITZAREN BAJA
Edozein unetan ordezkariak edo ordezkatuak eskatu ahal izango du ordezkaritza horren baja Bergarako Udalaren aurrean.

Datu pertsonalen babesa

Egindako eskaeretako datu pertsonalak Bergarako Udalaren ardurapean tratatuko dira, eskaera izapidetu ahal izateko. Indarrean dagoen araudiak aitortutako eskubideak erabili ahal izango dira helbide honetara zuzenduta:

Bergarako Udala

San Martin Agirre plaza 1,

20570 Bergara

Informazio osagarria eskuragarri dago Datuen Tratamendu Jardueren Erregistroan (www.bergara.eus/RAT).