1. HASIERA  
  2. "Arin" eguneko arretarako udal zentroa  
Inprimatu

"Arin" eguneko arretarako udal zentroa

Zer da? Zertarako da?

65 urte beteta izanik, egoera zaurgarri edo ahulean daudenek eta mendekotasun arriskuan edo mendekotasun arineko egoeran daudenek eguneko ordu batzuetan erabiltzeko ekipamendua da.

Ekipamendu honen bitartez intentsitate txikiko laguntza eskaintzen da, pertsona hauek dituzten premia espezifikoekin lotuta.

Nork eska dezake?

Honako baldintzak betetzen dituzten pertsonak:

  • Bergaran erroldatuta egotea

Zerbitzuan sartuko dira lehenik eta behin:

  • 65 urtetik gorakoak, menpekotasun-arriskuan edo -egoeran daudenak (1. maila, Mendekotasuna Baloratzeko Baremoan -MMB- 25 eta 39 puntu artean lortu dituztenak). Baldin eta bere osasun psikofisikoko egoerak intentsitate txikiko zerbitzura behar bezala egokitzeko aukera ematen badu eta bere beharrak asetzeko nahikoa bada.

Bigarrenik:

  • Mendetasuna aitortu gabeko adinekoak edo 25 puntutik beherako puntuazioa dutenak MBBen, 75 urtetik gorakoak, hauskortasun-egoeran daudenak.

Hirugarrenik:

  • Isolamendua, bakardadea, abandonua edo tratu desegokia jasateko arriskuan edo egoeran dauden 65 urtetik gorako pertsonak.

Gainera, pertsona edo familia talde hauek ere Eguneko Arretarako Udal Zerbitzuaren erabiltzaileak izan daitezke:

Kasuaren arduradunaren iritziz arreta jaso dezaketen eta Gizarte Zerbitzuen Sailak baimentzen dituen pertsona eta/edo egoera guztiak zerbitzu horretatik arreta jasotzeko modukotzat hartuko dira.

Aurkeztu behar diren agiriak

--------

  • Eskaeraren inprimakia (F0186) behar bezala beteta eta sinatuta
  • Interesduna ez den beste pertsona batek aurkezten badu eskaria, ordezkaritza-agiria (F0136) aurkeztuko da, eta horrekin batera interesdunaren eta eskatzailearen NANa, pasaportea edo bizileku-baimena
  • Bergaran erroldatuta ez dauden eta mendetasun-egoera aitortuta duten pertsonen kasuan, Mendekotasuna Baloratzeko Baremoaren (MBB) egiaztagiria.

  • Gastu kengarrien eta diru-sarrera ez konputagarrien ziurtagiriak.

    • Banantze kasuetan, konpentsazio-pentsioak eta/edo guraso eta seme-alaben arteko neurriak ordainduz gero, eskaerarekin batera aurkeztu behar dira epai judizialaren kopia eta ordaindu izanaren egiaztagiriak.

    • Gizarte Zerbitzuen zorroko beste zerbitzu batzuk aldi berean erabiltzeagatik ordaindutakoak.

--

ADMINISTRAZIOAK DATUAK EGIAZTATZEA.

Bergarako Udalak ofizioz egiaztatuko ditu honako datu hauek:

  • Eskatzailearen eta etxe berean bizi direnen errodaltze-datuak
  • Udalak emandako beste zerbitzu eta laguntza batzuk

Gainera, Eguneko arretarako udal zerbitzua arautzen duen araudiak (Gipuzkoako Aldizkari Ofizialean argitaratua 2022-07-22an) ezarritako baldintzen datuak zuzenean egiaztatuko ditu beste administrazio batzuetan ere, Datuen Bitartekotzako Plataformaren bitartez:

GIPUZKOAKO FORU ALDUNDIA

  • Mendekotasunaren balorazioko datuak

POLIZIAREN ZUZENDARITZA NAGUSIA

  • Nortasunaren inguruko datuak egiaztatzeko kontsulta.

Hala ere, egiaztatze horri uko egiteko aukera du eskatzaileak. Kasu horretan, Udalari idazki arrazoitua zuzendu beharko dio eta dagozkion datuak edo dokumentuak aurkeztu beharko ditu.

Bestalde, eskatzaileak bere egoera ekonomikoa kontuan hartzea nahi badu, itxarote-zerrenda egiteko baremoa finkatzeko, halakorik balego, eta baita tasak kalkulatzeko ere, udalak honako datu hauek egiaztatuko ditu:

    FORU ALDUNDIAK

    • Pertsona Fisikoen Errentaren gaineko Zergaren (PFEZ) inguruko kontsulta

    LANBIDE ENPLEGU ZERBITZUA

    • Diru Sarrerak Bermatzeko Errentaren kontsulta

    GIZARTE SEGURANTZAREN INSTITUTU NAZIONALA

    • Gizarte-prestazio publikoen kontsulta

      Udalak ezin baditu datuak bildu, eskatzaileei beharrezko agiriak eskatuko zaizkie.

      Eskatzailearen datuez gain bizikideenak ere egiaztatuko direnez, adinez nagusi diren bizikideak ere eskaeran agertu beharko dira eta sinatu egin beharko dute.

      Gizarte Zerbitzuetako sailak espedientea erabakitzeko premiazko ikusten duen bestelako edozein dokumentazio eskatu ahal izango du.

      Non eskatzen da?

                Beste batzuk:

                Bergarako Udala EIS (Erregistroen interkonexio sistema) zerbitzura atxikituta dago. Zerbitzu horren bidez, udal honetan aurkeztu behar diren agiriak beste administrazio batzuetan erregistratu daitezke, modu seguruan eta legezko adostasunarekin. Beraz, erregistratu daitezke ere:

                • Edozein administrazio publikoko (udalak,aldundiak, autonomia-erkidegoak, estatuko administrazioa edo mendeko erakundeak) erregistro-arloko laguntza-bulegotan, beti ere EIS sisteman badago.
                • Postetxean, EBBE (ORVE) zerbitzuan.

                ARGIBIDE GEHIAGO:

                Gizarte zerbitzuak
                Udaletxea.
                San Martin Agirre plaza, 1 - 2. solairua

                010 (Bergaratik) - luz. 1210
                943 779 100 (Bergaratik kanpo) - luz. 1210

                ongizatea@bergara.eus

                Kostua

                Udal ordenantzaren arabera Zerbitzu publikoak eskaini eta jarduera administratiboak burutzeagatik ordaindu beharreko tasen ordenantza arautzailea, X epigrafea

                Erabakitzeko epea

                • Aurreikusitako epea: Hilabete bat.
                • Legezko epea: Hilabete bat.
                • Administrazio isiltasunaren eragina: Ezespena.

                Legeak eta arauak

                Eskaera egin ondoren jarraitu beharreko prozedura

                • Eskaera jaso, dokumentazioa egiaztatu, sarrera erregistratu eta eskatzaileari jaso-agiria eman.
                • Eskaera eta dokumentazioa izapidetzearen ardura duen departamentura bideratu.
                • Gizarte zerbitzuek hala baloratzen dutenean, dagokion teknikariarekin hitzordua jarriko da.
                • Teknikariaren txostena, Gizarte zerbitzuak.
                • Ebazpena, Alkatetzaren dekretua.
                • Jakinarazpena, eskatzaileari.

                Organo erabakitzailea

                Alkatea

                Izapidetze honen ardura duen departamentua

                Bergarako Udala - Gizarte Zerbitzuak eta Sustapen Ekonomikoa

                Oharrak

                Datu pertsonalen babesa

                Egindako eskaeretako datu pertsonalak Bergarako Udalaren ardurapean tratatuko dira, eskaera izapidetu ahal izateko. Indarrean dagoen araudiak aitortutako eskubideak erabili ahal izango dira helbide honetara zuzenduta:

                Bergarako Udala

                San Martin Agirre plaza 1,

                20570 Bergara

                Informazio osagarria eskuragarri dago Datuen Tratamendu Jardueren Erregistroan (www.bergara.eus/RAT).

                Online tramitazioa hasi