Arreta goiztiarra

Zer da? Zertarako da?

Arreta goiztiarra da 0-6 urte bitarteko haurrei, haien familiartekoei eta inguruneari zuzendutako esku-hartzeen multzoa. Diziplinarteko ikuspegi batetik begiratuta –Osasuna, Hezkuntza eta Gizartea–, helburutzat dauka erantzutea, ahalik eta lasterren, eta osotasunean, garapenean nahasmenduak dituzten edo haiek pairatzeko arriskua duten haurren beharrizan iragankor nahiz iraunkorrei.

PR0141

Nork eska dezake?

Interesdun den edozeinek edota horren legezko ordezkariak, behar den baimenarekin.

Mediku-txosten batean oinarrituta garapen-arazoak dituzten edo edukitzeko arriskua duten 0-6 urte bitarteko haurrak antzematen direnean, eta horiek berariazko zentro baten laguntzarik jasotzen ez dutenean.
Eskaera egiteko ez da beharrezkoa desgaitasuna edo mendekotasuna aitortuta izatea.

Eskaera hauek Gipuzkoako Foru Aldundiak kudeatzen ditu.

Aurkeztu behar diren agiriak

• KFA0014 Eskaera, arreta goizitiarren zerbitzua

• Familia-liburua.
• Eskaera arrazoitzen duen medikuaren txostena.

Non eskatzen da?

Bertaratuta:
• B@Z (Bergararren Arreta Zerbitzua). AURREZ TXANDA HARTUTA
  Udaletxea
  San Martin Agirre plaza 1 20570 BERGARA
  010 (943 779 100 Bergaratik kanpo)
  943 779 163
  

Internet bidez:
• Goian aipatzen diren beharrezko AGIRI GUZTIAK bete eta hasi online tramitazioa

Beste batzuk:

Bergarako Udala EIS (Erregistroen interkonexio sistema) zerbitzura atxikituta dago. Zerbitzu horren bidez, udal honetan aurkeztu behar diren agiriak beste administrazio batzuetan erregistratu daitezke, modu seguruan eta legezko adostasunarekin. Beraz, erregistratu daitezke ere:

• Edozein administrazio publikoko (udalak,aldundiak, autonomia-erkidegoak, estatuko administrazioa edo mendeko erakundeak) erregistro-arloko laguntza-bulegotan, beti ere EIS sisteman badago.
• Postetxean, EBBE (ORVE) zerbitzuan.

ARGIBIDE GEHIAGO:

Gizarte zerbitzuak
943 779 100 - luz. 1210

Kostua

Udalak bere gain hartzen du kudeaketaren kostua.

Erabakitzeko epea

• Aurreikusitako epea: Hiru hilabete.
• Legezko epea: Hiru hilabete.
• Administrazio isiltasunaren eragina: Ezespena.
  

Legeak eta arauak

• 13/2016 DEKRETUA, otsailaren 2koa, Euskal Autonomia Erkidegoko Arreta Goiztiarreko esku-hartze integralari buruzkoa.

Eskaera egin ondoren jarraitu beharreko prozedura

• Eskaera jaso, dokumentazioa egiaztatu, sarrera erregistratu eta eskatzaileari jaso-agiria eman.
• Eskaera eta dokumentazioa izapidetzearen ardura duen departamentura bideratu.
• Gizarte zerbitzuek hala baloratzen dutenean, dagokion teknikariarekin hitzordua jarriko da.
• Teknikariaren txostena, Gizarte zerbitzuak.
• Gizarte zerbitzuek hala baloratzen dutenean, dagokion teknikariarekin hitzordua jarriko da.
• Eskatzaileak Foru Aldundiaren ebazpena etxean jasoko du.

Organo erabakitzailea

Gipuzkoako Foru Aldundia

Izapidetze honen ardura duen departamentua

Bergarako Udala - Gizarte Zerbitzuak eta Sustapen Ekonomikoa

Oharrak

Datu pertsonalen babesa

Egindako eskaeretako datu pertsonalak Bergarako Udalaren ardurapean tratatuko dira, eskaera izapidetu ahal izateko. Indarrean dagoen araudiak aitortutako eskubideak erabili ahal izango dira helbide honetara zuzenduta:

Bergarako Udala

San Martin Agirre plaza 1,

20570 Bergara

Informazio osagarria eskuragarri dago Datuen Tratamendu Jardueren Erregistroan (www.bergara.eus/RAT).