Urnietako Udalaren eta elkarteen arteko lankidetza hitzarmenak

ZER DA? ZERTARAKO DA?

Urnietarrei zuzenduta Urnietan garatutako emantzipazio prozesuetan lagunduko duten eta urnietarren aberaste kulturala eta ohitura osasungarriak sustatuko dituzten irabazirik gabeko kultura, euskara, aisia, kirol, haur edota gazte proiektuentzako dirulaguntzak ematea edo baita udal lokalak erabiltzea baimentzea.

NORK ESKA DEZAKE?

  • Udalerrian kultura, euskara, aisia, kirola, haurreria eta gazteriarekin loturiko ekintzak antolatzen dituzten elkarteak.

Ordezkaritza: eskaerak egiteko, erantzukizunpeko adierazpenak edo komunikazioak aurkezteko, errekurtsoak jartzeko, egintzak bertan behera uzteko eta beste pertsona baten izenean eskubideei uko egiteko ordezkaritza egiaztatu egin beharko da.

AURKEZTU BEHARREKO AGIRIAK

Hitzarmen eskaera

Dirulaguntza lehenengoz eskatzen duten elkarteek eskaera inprimakiez gain beste agiri hauek ere aurkeztu beharko dituzte:

- Identifikazio Fiskalerako Kodearen fotokopia.

- Eusko Jaurlaritzako elkarte edo erakundeen erregistro orokorrean erroldaturik daudela ziurtatzen duen agiria.

- Elkartearen edo erakundearen estatutuak.

Ordezkapen idatzia, hala badagokio.

Dirulaguntza onartzean eta adieraziko den epean ondorengo agiriak ere aurkeztu beharko dira:

- Hitzarmenaren jarraipena: Udalari jakinarazi beharko zaio hurrengo ekitaldirako jardueren aurreikuspena, Hitzarmena: Jarraipena izeneko inprimakia behar bezala beteta aurkeztuz.

- Hitzarmenaren zuriketa: dirulaguntzaren xede diren jarduerak gauzatu izanaren zuriketa Hitzarmena: Zuriketa izeneko inprimakia behar bezala beteta aurkeztuz egingo da.

NON ESKATZEN DA?

    Aurrez aurre:
  • Bertan Bulegoa
    San Juan 5 20130 URNIETA
    7:30-14:30
    943008000
    943008037

          Posta ziurtatua (Gutunazal irekia Postetxean) honako helbidera zuzenduta:
        • Urnietako Udala
          San Juan 5 20130

                    ZENBAT KOSTATZEN DA?

                    Doan

                    PROZEDURAREN EPEA

                    • Aurreikusitako epea: 3 hilabete
                    • Isiltasun-administratiboaren izaera: Ezeslea

                    ARAUDI APLIKAGARRIA

                    Ez dagokio

                    ESKAERA JASO ONDOREN JARRAITU BEHARREKO PROZEDURA

                    1. Eskabidea jasotzea, egiaztatzea eta erregistratzea.

                    2. Interesdunari eskabidearen kopia edo hartu-agiria ematea.

                    3. Eskabidea Sustapen Arlora bidaltzea.

                    NORK ONARTU BEHAR DU?

                    Tokiko Gobernu Batzarra

                    IZAPIDETZEKO ARDURA DUEN UDAL SAILA

                    Ez dagokio

                    OHARRAK

                    Eskatzaileak zerga betebeharrak egunean izan beharko ditu.

                    Laguntza jaso ahal izateko aurrekontuetan diru erabilgarria egon beharko du.

                    DATU PERTSONALEN BABESA

                    Tratamendu jarduera: KULTURAREN KUDEAKETA

                    Helburua eta zilegitasuna: Laguntzak, bekak, diru-laguntza, sariak, kultur espazioen lagapena, kultur zerbitzuetan altak, liburutegia eta udal artxiboaren kontsultak kudeatzea, Toki Araubideko Oinarriei buruzko 7/1985 Legearekin bat etorriz.

                    Aurreikusitako lagapenak:Datu pertsonalak gaian eskuduntza duten beste Administrazio Publiko batzuei jakinarazi ahal izango zaizkie, hala nola, Eusko Jaurlaritzari, Estatuko Administrazio Orokorrari eta Gipuzkoako Foru Aldundiari. Dirulaguntzak argitaratzeagatik zilegitasuna dute

                    Oharra: Interesdunak bere datuetarako sarbidea, zuzenketa, ezabatze eskubideak, eta horien tratamendua mugatzeko edo horri kontra egiteko eskubideak ditu, jakinarazpen bat bidaliz Udaleko helbidera edo dbo-dpd@urnieta.eus posta elektronikora.

                    Informazio gehiago: tratamenduko jardueren erregistroa [PDF]