Mendekoak diren adineko pertsonentzako edo desgaitasunen bat duten pertsonentzako aldi baterako egonaldia

ZER DA? ZERTARAKO DA?

Mendekotasun egoeran dagoen pertsonak (adineko pertsona izan daiteke, desgaitasuna edo gaixotasun mentala duena) bere ingurunean behar duen arreta osoa bermatu ahal izateko zerbitzua da, betiere familiartekoen edota pertsona zaintzaileen atseden-premiei erantzunez, eta zainketen jarraipena arriskuan jar dezakeen edota zaintza horiek birplanteatu beharra ekar dezakeen gorabehera orori aurrea hartuz.

Era berean, pertsona horien arreta ere bermatu nahi da, zerbitzu hori euren bizimodua behar bezala garatu ahal izateko edo beraien eguneroko inguruneak behar adina estaltzen ez dituen premiak betetzeko laguntza moduan aukeratuko duten kasuetarako.

405

NORK ESKA DEZAKE?

Betekizun orokorrak:

• Eskaria egiten den momentuan benetan Urnietan bizitzea eta bertan erroldatua egotea.
• Erabiltzailearen mendekotasuna onartua izatea.
• Aldeko orientazio-txostena izatea, eta hark zehaztuko du Gipuzkoako Foru Aldundiak esleitutako baliabidearen egokitasuna zer-nolakoa den.
• Apirilaren 21eko 12/2015 Foru Dekretuaren 7. artikuluan araututako ezohiko egoerak.
• Sartzeko behar den adina izatea:
  • Nagusientzako egoitza-zerbitzuak: 65 urte izatea edota eskaria aurkezten den urtean egitea, edo 60 urte desgaitasuna duten pertsonek.
  • Egoitza-zerbitzuak desgaitasuna edo buruko gaixotasuna duten pertsonentzat: 18 urte edo gehiago eta 64 urte baino gutxiago izatea eskaria aurkeztu den datan.

AURKEZTU BEHARREKO AGIRIAK

• E400 Gizarte zerbitzuetako eskabidea
• E400 Interesdunen baimena, Gizarte Zerbitzuek laguntza kudeatzeko beharrezko datuak eta dokumentuak eskatu ahal izan ditzaten administrazio publikoetan
• ER Ordezkapen idatzia

- Eskaera orria, eredu normalizatuari jarraiki egina.

- Interesdunen baimena, Gizarte Zerbitzuek laguntza kudeatzeko beharrezko datuak eta dokumentuak eskatu ahal izan ditzaten administrazio publikoetan, hala nahi den kasuetan.

- Ordezkapen idatzia, hala badagokio.

- Interesdunaren NANa.

- Borondatezko ordezkaritza izanez gero, ordezkariaren NANa.

- Eskatzailearen eta familia-unitatearen diru-sarreren ziurtagiria.

- Medikuaren txosten eguneratua (diagnostikoa eta tratamenduak barne direla).

- Kontu korrontearen titularitatea.

NON ESKATZEN DA?

Aurrez aurre:
• Bertan Bulegoa
  San Juan 5 20130 URNIETA
  7:30-14:30
  943008000
  943008037
  

Posta ziurtatua (Gutunazal irekia Postetxean) honako helbidera zuzenduta:
• Urnietako Udala
  San Juan 5 20130 URNIETA
  

Gizarte laguntzailearekin hitzordua adosteko:
• 943008000
  

Zerbitzua martxan jartzeko:
• Beharrezkoa da gizarte-laguntzailearekin hitzordua eskatzea.
  

ZENBAT KOSTATZEN DA?

Zerbitzuaren kostua Foru Aldundiak eta erabiltzaileek partekatzen dute. Azken hauek ordaindu beharreko diru kopurua beren egoera ekonomikoaren araberakoa izango da.

PROZEDURAREN EPEA

• Aurreikusitako epea: Hilabete 1
• Prozedura arrunta. Legezko gehienezko epea: 2 hilabete
• Isiltasun-administratiboaren izaera: Aurkakoa
  

ARAUDI APLIKAGARRIA

• 185/2015 Dekretua, urriaren 6koa, Gizarte Zerbitzuen Euskal Sistemaren prestazio eta zerbitzuen zorroari buruzkoa
• 12/2015 Foru Dekretua, apirilaren 21ekoa, Gipuzkoako Lurralde Historikoan mendekotasun egoeran dauden pertsonek egoitzetan aldi baterako egonaldiak egiteko aukera arautzen duena.
• 15/2015 Foru Dekretua, ekainaren 2koa, Gipuzkoako Lurralde Historikoan mendekotasuna dutenentzako arreta zentroen erabiltzaileen ekarpen ekonomikoaren araubidea arautzekoa.
• 30/2018 Foru Dekretua, abenduaren 18koa, zerbitzuen erabiltzaileen gehieneko ekarpen ekonomikoak onartzen dituena eta aldatzen duena ekainaren 2ko 15/2015 Foru Dekretua

ESKAERA JASO ONDOREN JARRAITU BEHARREKO PROZEDURA

• Eskaera Gipuzkoako Foru Aldundiko Gizarte Politikarako Departamentura igortzea.
• Ebazpena aldekoa balitz, GFAko Gizarte Politika Sailak espedientea itxarote-zerrendari erantsiko lioke.

NORK ONARTU BEHAR DU?

Gipuzkoako Foru Aldundia

IZAPIDETZEKO ARDURA DUEN UDAL SAILA

Ez dagokio

OHARRAK

DATU PERTSONALEN BABESA

Tratamendu jarduera: GIZARTE EKINTZA

Helburua eta zilegitasuna: Gizarte laguntzekin lotutako eskabideen eta espedienteen kudeaketa, Toki Araubideko Oinarriei buruzko 7/1985 Legearen eta Euskadiko Gizarte Zerbitzuei buruzko abenduren 5eko 12/2008 Legearen arabera.

Aurreikusitako lagapenak:Datu pertsonalak Gizarte-ekintza arloan eskuduntza duten Administrazio Publikoei jakinarazi ahal izango zaizkie, hala nola, Foru Aldundiari, Eusko Jaurlaritzari edo beste foru-erakunde eta erakunde pribatu batzuei.

Oharra: Interesdunak bere datuetarako sarbidea, zuzenketa, ezabatze eskubideak, eta horien tratamendua mugatzeko edo horri kontra egiteko eskubideak ditu, jakinarazpen bat bidaliz Udaleko helbidera edo dbo-dpd@urnieta.eus posta elektronikora.

Informazio gehiago: tratamenduko jardueren erregistroa [PDF]