Biztanleen udal erroldan alta ematea

ZER DA? ZERTARAKO DA?

Urnietako biztanleen udal erroldan alta ematea, Espainiako Estatuko edo atzerriko beste udalerriren batetik datozen bizileku-aldaketen ondorioz.

202

NORK ESKA DEZAKE?

• Interesa duten pertsona fisikoak.

Ordezkaritza: eskaerak egiteko, erantzukizunpeko adierazpenak edo komunikazioak aurkezteko, errekurtsoak jartzeko, egintzak bertan behera uzteko eta beste pertsona baten izenean eskubideei uko egiteko ordezkaritza egiaztatu egin beharko da.

AURKEZTU BEHARREKO AGIRIAK

• E200 Ordezkaritza: Biztanleen udal errolda
• E200 Etxebizitzan erroldatzeko baimena
• E200 Gurasoaren erantzunkizunpeko adierazpena, ebazpen judizialarekin
• E200 Gurasoaren erantzunkizunpeko adierazpena, ebazpen judizialik gabe
• E202 Erroldan inskribatzeko edo aldatzeko eskaera

- Erroldan inskribatzeko eskaera orria (adin nagusiko guztiek sinatua).

- Erroldarako ordezkapen idatzia, hala badagokio.

IDENTIFIKAZIO-AGIRIAK:

- Erroldatzen diren pertsona guztien indarrean dagoen NANa (nahitaezkoa 14 urtetik aurrera). Iraungiz gero, gehitu berritzeko eskaera.

- Adingabekoak badira, familia-liburua, eta gurasoetako batekin bakarrik erroldatzen badira, beste gurasoaren baimena edo adingabekoaren tutoretza izateari buruzko dokumentazioa aurkeztea (epai judiziala).

- Interesduna ez den beste pertsona batek egiten edo sinatzen badu izapidea, baimen-agiria.

ATZERRITARREN IDENTIFIKAZIO-AGIRIAK:

- Europar Batasuneko, Norvegiako, Islandiako, Liechesteingo eta Suitzako herritarrek beren nazionalitateko herrialdeko pasaportea edo nortasun-agiria aurkeztu beharko dute (indarrean egon behar du), eta Atzerritarren Erregistro Zentralean izena emanda badaude (AIZ hor egongo da jasota), hori egiaztatzen duen agiria. Ahal dela, AIZrekin egingo da inskripzioa. Iraungiz gero, gehitu berritzeko eskaera.

- Beste estatu batzuetako herritar nazionalek Espainiako agintaritzek emandako bizileku-txartela aurkeztu beharko dute (txartelak indarrean egon behar du).Halakorik izan ezean, beren nazionalitateko herrialdeko pasaportea aurkeztu ahalko dute (indarrean egon beharko du).(Beste herrialdeetako bizileku-txartela ez da baliozkoa izango).Izena, gehienbat, AIZrekin emango da. Iraungiz gero, gehitu berritzeko eskaera.

ETXEBIZITZAREN AGIRIAK

Pertsona gehiago erroldatuta badaude: Etxebizitza erabiltzeko eskubidea duen titular erroldatuaren baimena (jabea, maizterra edo besterik) eta baimena ematen duen pertsonaren NANaren fotokopia. Alokairuaren kasuan, etxebizitzaren edo logelaren alokairu-kontratua; aspaldikoa bada, gainera, alokairuaren azken ordainagiria ere aurkeztu beharko da.

Etxebizitza hutsik egonez gero:

Etxebizitzaren okupazioaren egiaztagiria. Ondoko hauek denak izango dira baliozkoak:

• Etxebizitzaren salerosketako eskritura.
• Etxebizitzaren edo logelaren alokairu-kontratua; aspaldikoa bada, alokairuaren azken ordainagiria ere aurkeztu beharko da.
• Erabilera-eskubideari buruzko beste titulu batzuk (epai judiziala dibortzioen kasuan, testamentuak, dohaintzak eta abar).
• Jabearen baimena eta baimena ematen duen pertsonaren NANaren fotokopia.

Interesdunak jatorrizko udalerria adieraziko du.Atzerritarra bada, aski izango da zein hiri eta herrialdetatik datorren adieraztea.

NON ESKATZEN DA?

Aurrez aurre:
• Bertan Bulegoa
  San Juan 5 20130 URNIETA
  7:30-14:30
  943008000
  943008037
  

ZENBAT KOSTATZEN DA?

Doan

PROZEDURAREN EPEA

• Aurreikusitako epea: Berehala
• Prozedura arrunta. Legezko gehienezko epea: 3 hilabete
• Isiltasun-administratiboaren izaera: Ezeslea
  

ARAUDI APLIKAGARRIA

• 1690/1986 Errege Dekretua uztailaren 11ekoa, Udal Batzen Lurralde Mugaketa eta Biztanleriaren Erregelamendua
• 7/1985 Legea, apirilaren 2koa, Toki Araubidearen Oinarriak Arautzekoak
• Ebazpena, 2020ko apirilaren 29koa, Idazkariordetzarena, udal-erroldaren kudeaketari buruzko jarraibide teknikoak ematen zaizkiena udalei.

ESKAERA JASO ONDOREN JARRAITU BEHARREKO PROZEDURA

Ez dagokio

NORK ONARTU BEHAR DU?

Ez dagokio

IZAPIDETZEKO ARDURA DUEN UDAL SAILA

Ez dagokio

OHARRAK

DATU PERTSONALEN BABESA

Tratamendu jarduera: BIZILAGUNEN ERROLDA

Helburua eta zilegitasuna: Bizilagunen erroldaren udal kudeketa. Toki Araubideko Oinarrien Arautzaile den apirilaren 2ko 7/1985 Legean oinarritutako eskuduntzak garatzea.

Aurreikusitako lagapenak:Datu pertsonalak EIN, EUSTAT eta beste Administrazio Publiko batzuei jakinarazi ahal izango zaizkie, hala nola, Gipuzkoako Foru Aldundiari, Udalei, Mankomunitateei. Estatuko segurtasun indar eta kidegoak. Kulturnieta Sozietate Publikoa

Oharra: Interesdunak bere datuetarako sarbidea, zuzenketa, ezabatze eskubideak, eta horien tratamendua mugatzeko edo horri kontra egiteko eskubideak ditu, jakinarazpen bat bidaliz Udaleko helbidera edo dbo-dpd@urnieta.eus posta elektronikora.

Informazio gehiago: tratamenduko jardueren erregistroa [PDF]