1. HASIERA  
  2. Gazteentzako auzolandegiak 2024  
Inprimatu

Gazteentzako auzolandegiak 2024

ZER DA? ZERTARAKO DA?

Tolosako nerabeei (11-18 urte bitartekoei) zuzendutako auzolandegiak dira, udako aisialdi eskaintzaren barnean. Bi motatako auzolandegiak izango dira: itxiak eta irekiak.

AUZOLANDEGI ITXIAK

Uztailean Tolosako nerabeei (15-18 urte bitartekoei) zuzendutako auzolandegiak dira.

Auzolandegi itxiak uztailaren 1etik 7ra izango dira Irulegi eta Murillo de Gallegon, Aranzadi Zientzia Elkartearekin elkarlanean, eta auzolana eta abentura ekintzak uztartuko dituzte.

Eskaintza honen helburu nagusiak izango dira natura eta kultura uztartzeaz gain, auzolanaren bitartez kultur ondarea eta herri nortasuna lantzea.

Programazioa:

  • Uztailak 1-2: Irulegiko aztarnategian indusketa lanak.
  • Uztailak 3-4: Murillo de Gallegon ibilbide kulturalak (Loarreko Gaztelura bisita adibidez).
  • Uztailak 5-6: Natura eta kirol ekintzak.
  • Uztailak 7: Agurra.

Izen ematea maiatzaren 6tik maiatzaren 17 bitartean izango da.

AUZOLANDEGI IREKIAK

Uztailean Tolosako nerabeei (11-17 urte bitartekoei) zuzendutako auzoladengiak dira. Bertan parte hartzen duen Tolosako gazte taldeak konpromisoa hartzen du, borondatez eta eskuzabaltasunez, gizarte-proiekzioa duen lan bat egiteko, 1-2 astez, jarduera osagarriekin konbinatuta.

Bi modalitate ezberdin izango dira: ingurumenekoak eta artistikoak.

Ingurumeneko auzolandegietan, Uzturre magalean kokaturik dagoen Lazkao iturriaren eta ingurunearen berreskuratzea landuko dira.

Auzolandegi artistikoetan, Alaia Gaztelumendiren gidaritzapean, mural artistikoen munduan murgiltzeko aukera izango dute.

2 txanda izango dira:

1.- Uztailaren 1etik 5era: goizeko 9:30etatik 13:30etara

2.- Uztailaren 8tik 12ra: goizeko 9:30etatik 13:30etara

Izen-ematea martxoaren 27tik apirilaren 17ra bitartean izango da.

NORK ESKA DEZAKE?

  • Auzolandi itxiak: 15-18 urte bitarteko gazteak
  • Auzolandi irekiak: 11-17 urte bitarteko gazteak

** Parte hartzeko eskaera egiteko unean, Tolosako udalerrian erroldatutako gazteek lehentasuna izango dute.

AURKEZTU BEHARREKO AGIRIAK

NON ESKATZEN DA?

    Aurrez aurre:
  • Udate Zerbitzuan (komeni da hitzordua eskatzea: telefonoz edo wubgunearen bidez)
    Plaza Zaharra 6A 20400 TOLOSA
    astelehenetik asteazkenera / de lunes a miércoles: 07:15 - 14:15 | osteguna / jueves: 07:15-19:00 | ostirala / viernes: 08:15-14:15
    Tolosatik / Desde Tolosa: 010 - Tel.: 943 654 466

        Erregistro elektronikoa (nahitaezkoa pertsona juridikoentzat, enpresentzat, elkargokide diren profesionalentzat, nortasun juridikorik gabeko elkarte eta kolektiboentzat):
      • Erregistro Elektronikoa

              ZENBAT KOSTATZEN DA?

              • Auzolandi itxiak: 120€
              • Auzolandi irekiak: Doakoak

              PROZEDURAREN EPEA

              • Aurreikusitako epea: Hilabete 1
              • Prozedura arrunta. Legezko gehienezko epea: Hilabete 1

              ARAUDI APLIKAGARRIA

              Ez dagokio

                ESKAERA JASO ONDOREN JARRAITU BEHARREKO PROZEDURA

                • Eskaerak gainbegiratu.
                • Plazak bete arteko aukeraketa zozketa bidez egingo da
                • Zinegotzi delegatuaren ebazpena
                • Interesatuari jakinarazpena

                  NORK ONARTU BEHAR DU?

                  Ez du organo ebazlerik behar

                  IZAPIDETZEKO ARDURA DUEN UDAL-SAILA

                  KULTURA, FESTAK ETA GAZTERIA - Gazteria

                  OHARRAK

                  DATU PERTSONALEN BABESA

                  Tratamenduaren arduraduna: Tolosako Udala - Plaza Zaharra 6, 20400, Tolosa (Gipuzkoa). Datuak babesteko ordezkaria: dbdelegatua@tolosa.eus

                  Helburua: Gazteen arteko bizikidetzarako, jarduera, ikastaro eta ekitaldiak kudeatu eta sustatzeko, eta ondorengo komunikazioak egiteko beharrezkoa den informazio pertsonala kudeatzea.

                  Legitimazioa: Datu Pertsonalak Babesteari eta Eskubide Digitalak Bermatzeari buruzko abenduaren 5eko 3/2018 Lege Organikoaren 8.1 eta 2. artikuluak: Datuen tratamendua, legezko betebeharra, interes publikoa edo botere publikoen egikaritzea direla-eta.

                  Komunikazio-hartzaileak: Ez da datu komunikaziorik aurreikusten.

                  Eskubideak: Eskubidea duzu datuetara sarbidea izateko, datuak zuzentzeko, ezabatzeko, aurka egiteko eta mugatzeko, baita Datuak Babesteko Euskal Bulegoan erreklamazio bat aurkezteko ere. Informazio gehiago nahi izanez gero, jo informazio gehigarriaren atalera.

                  Informazio gehigarria: Datuak babesteari buruzko informazio gehigarria eta zehatza kontsulta dezakezu gure webguneko datuak babesteari buruzko atalean: Tratamendu Jardueren Erregistroa

                  Online tramitazioa hasi