Legamia egitasmoa Errenterian errotu eta eragina izango duen egonaldi eta mediazio programa da. Arte biziei (antzerkia, dantza, zirkua) loturiko proiektu artistikoen sorkuntza eta ikerketa prozesuak, edozein fasetan daudela ere, babestu, erraztu eta laguntzea du helburu.
Horrekin batera, Errenteriako Kultura saila eta honekin lankidetzan aritzen diren eragileen artean garatuko duen mediazio plangintza baten bidez, sorkuntza bera Errenteriako eragile eta herritarrekin partekatzeko asmoa da programa honen ezaugarri nagusienetakoa.
Euskal Herriko zein kanpoko pertsona fisiko edo juridiko pribatu orok har dezake parte deialdian
1.- Izena emateko formularioa betea.
2.- NANaren, IFKren edota IFZren fotokopia, azken hau pertsona juridikoen kasuan.
3.- Proiektuaren azalpen txostena:
- Proiektuaren laburpena (gehienez 4.000 karaktere)
- Mediaziorako proposamena: zein eragile, dinamika, ekintza mota eta mediazioari eskainiko zaion dedikazio proposamena, egutegi balizko batekin (gehienez 5.000 karaktere)
- Egoiliar den aldirako edo aldietarako (fase ezberdinetan banatu nahi bada prozesua) aurrikusitako lanerako plana edo kronograma proposamena (gehienez 3.000 karaktere)
4.- Konpainiaren eta partaideen curriculuma, ibilbide artistiko eta profesionalarekin.
5.- Pertsona fisikoen taldeen kasuan bakarrik: II. Eranskina
Udalak bere gain hartzen du kudeaketaren kostua.
Hautapen batzordeak zenbat proiektu eta zein baliabiderekin hautatzeko proposamena luzatuko dio Kultura zinegotziari, honek ebatzi dezan.
Hautatutako artistak edo artista taldeak parte hartzeari uko egingo balio, automatikoki hurrenkeran jarraituz dagoen sortzaileari eskainiko litzaizkioke egonaldia, zein beka ere dagokion kasuetan.
Kultura, Agiritegia eta Argitarapenak eta Liburutegia - Kultura
Tramitazio Segurua