Internetera sarbidea udal sarearen bitartez

ZER DA? ZERTARAKO DA?

Udal informatika-saretik Internetera sartu ahal izateko (liburutegietako ordenagailuetatik, wifi seinalearen bidez, edo beste gailuren batetik), interesdunek aldez aurretik erabiltzaile-izena eta pasahitza eskuratu behar dituzte, eta horiek erabiliko dituzte zerbitzua erabili behar duten guztietan.

Erabiltzailea eta pasahitza bi eratara eskuratu daitezke:

  • Online, eskuliburu honetan deskribatzen den prozedurari jarraikiz; horretarako, telefono mugikorra eta posta elektronikoko kontu bat behar dira.
  • Eskaera-orriaren bitartez.

Erabiltzailea eta pasahitza eskuratzeko erabiltzen den prozedura edozein dela ere, ondoren, interesdunek beren pasahitza aldatu eta eurek nahi dutena jartzeko aukera izango dute (kusi aipatutako eskuliburuaren azken atala).

Indarrean dagoen araudia betetzearren, Interneterako konexio bakoitzeko Udalak konexioaren data eta ordua, deskonexioaren ordua, esleitutako IPa eta zerbitzua erabili duen pertsonaren identifikazioa gordeko ditu; baina ez du gordeko eta ez erregistratuko ere konexioaren edukiari buruzko daturik.

Erabilera partekatuko gailuetan (liburutegietako ordenagailuetan, esaterako) oso garrantzitsua da erabiltzaileak erabilera bukatzen duenean saioa ixtea; bestela, atzetik datozenek konexio ireki hori erabili ahal izango dute.

Zerbitzu hau Andoain, Aretxabaleta, Errenteria, Hernani, Lasarte-Oria, Tolosa, Urnieta eta Zumarragako udalekin elkarlanean garatu da. Aipatutako udalerri horietan lortutako erabiltzailea edo pasahitza gainerako guztietan erabil daiteke.

Identifikazioa lortzen da erabiltzaileak alta prozesuan ematen duen telefono mugikorraren zenbakitik abiatuta.

Adingabeak: Pasaiako Udalak ez du beregain erantzukizunik hartuko, adingabeek udalaren wifi-zerbitzuaren erabilera desegokia egiten badute. Udalak uste du adingabe bat zerbitzura sartu bada edo zerbitzua erabili badu, baduela horretarako baimena. Wifi zerbitzuak Interneterako sarbide libre eta gardena ahalbidetzen du, eta horrek aukera ematen du adingabeentzat desegokiak izan daitezkeen edo debekatuta egon daitezkeen edukietara sartzeko. Gurasoei eta/edo legezko ordezkariei gogorazten diegu haien erantzukizuna dela euren zaintzapean dauden adingabeentzat egokiak diren edukiak edo zerbitzuak zaintzea eta erabakitzea.

NORK ESKA DEZAKE?

Adin nagusiko edonork.

Adingabeei dagokienez, beren zaintza dutenek bideratu beharko dute eskaera.

Adingabe batek, gailu mugikor bat erabiliz (telefonoa, tableta, ordenagailu eramangarria...) erabiltzaile eta pasahitz eskaera bideratzen badu online, Udalak ulertuko du adingabeak bere legezko tutoreen baimena duela. Horrelakoetan Udalak ez du bere gain hartuko adingabeek Interneteko konexioarekin egindako erabilera.

AURKEZTU BEHARREKO DOKUMENTAZIOA

NON ESKATZEN DA?

    Aurrez aurre:
  • Donibaneko HAZ bulegoa
    Arizabalo jauregia
    Donibane kalea 19 20110 PASAIA
    8:00 - 14:00
  • Trintxerpeko HAZ bulegoa
    Alkateordetza
    Euskadi etorbidea z/g 20110 PASAIA
    8:00 - 14:00
  • Antxoko HAZ bulegoa
    Hamarretxeta kalea 22-24 20110 PASAIA
    8:00 - 14:00
  • Donibaneko kulturgunea
    Donibane kalea 1 20110 PASAIA
    Astelehenetik ostegunera: 16:30-19:45. Asteazken eta ostiraletan: 10:00-12:45
    943 52 31 86
  • Antxoko liburutegia
    Hamarretxeta kalea 13 PASAIA
    Astelehena, asteartea, osteguna eta ostirala: 10:00-12:45 Astelehenetik ostegunera 16:30-19:45
    943 51 57 37
  • Trintxerpeko liburutegia
    Euskadi etorbidea z/g PASAIA
    Goizero, 10:00-12:45 Astelehenetik ostegunera 16:00-19:45
    943 00 43 03
  • San Pedroko liburutegia
    Herriko plaza z/g PASAIA
    Astelehena, asteartea eta osteguna 17:00-19:45
    943 39 13 58

        Posta arrunta:
      • Donibane kalea 19 20110 PASAIA

      ZENBAT BALIO DU?

      Ez du kosturik

      PROZEDURAREN EPEA

      • Aurreikusitako epea: 5 egun

      ARAUDI APLIKAGARRIA

      ESKAERA JASO ONDOREN JARRAITU BEHARREKO PROZEDURA

      Online: Alta automatikoa.

      Eskaera-orriaren bidez: Alta eskuz. Astebeteko epea.

      NORK ONARTU BEHAR DU?

      Ofizioz

      IZAPIDETZEKO ARDURA DUEN UDAL SAILA

      Antolakuntza - Informatika

      OHARRAK

      Udal sarearen bidezko Interneterako sarbidea mugagabea eta doakoa da, eta ordenagailu eramangarriekin, telefono mugikorrekin eta bestelako gailuekin erabil daiteke.


      Udalak ez die erabiltzaileei ez zerbitzu teknikorik ez laguntzarik emango. Ekipamendu fisikorik ere ez du emango, hala nola, WIFI txartelak, inprimatzeko zerbitzua, ordenagailu eramangarriak edo antzekoak.


      Gainerako erabiltzaileen eskubideak babestearren, Udalak konexioa edo sarbidea eragotziko die sistema gehiegikeriaz erabiltzen dutenei edo gainerako erabiltzaileen jarduera oztopatzen dutenei. Era berean, konexioa kenduko die gainerako erabiltzaileen trafikoa monitorizatzen saiatzen direnei.

      Ezingo da Interneterako sarbidea erabili jabetza intelektualaren legeriak babestutako artxiboak edo informazioa deskargatzeko. Halaber, ezingo da erabili eduki xenofobo edo arrazistak, iraingarriak, diskriminatzaileak edo baztertzaileak ikusteko.

      Ezin da legez kanpoko edo indarrean den ordenamendu juridikoaren aurkako jarduerarik egin.

      Azkenik, ezin da Interneterako sarbidea erabili spamak edo eskatu gabeko publizitatea bidaltzeko, ohiko jarduera profesionalak egiteko, edo beste era bateko onura ekonomikoa lortzeko helburua duten jardueretarako.


      Udalak eskubidea izango du, aldez aurretik ohartarazi gabe eta edozein unetan, sarbide-orriaren aurkezpena eta konfigurazioa aldatzeko, eta baita zerbitzuak aldatzeko ere. Erabiltzaileek badakite eta onartzen dute edozein unetan zerbitzu hau eten, desaktibatu edo ken daitekeela.

      DATU PERTSONALEN BABESA

      Fitxategiaren izena: Emakidak eta lizentziak

      DBEB kodea: 2050820151

      Fitxategiaren xedea: Eskaerak kudeatzea: obra lizentziak, bide publikoa okupatzea, irekierak, pasabideak, kanposantuak, azokak, hirigintzako informazioa, eta beste hainbat

      Aurreikusitako lagapenak:Estatukoak. Arauetan edo beste administrazio zein erakunde publikoekin sinatutako hitzarmenetan aurreikusitakoak

      Oharra: Zure eskaeraren xedea kudeatzean, litekeena da eskaera beste fitxategi batean sartzea.

      Sinatzaileak bere datu pertsonalak tratatzeko baimena ematen du eta, aurreikusita egonez gero, baita lagatzeko ere.

      Interesdunak datuetara sartzeko, horiek zuzentzeko eta deuseztatzeko eta horien aurka egiteko eskubidea baliatu dezake Udalaren aurrean.

      Informazio gehiago: www.pasaia.eus/DBLO