Merkatal edo zerbitzu establezimendu bat irekitzeko, edo negozio bat eskualdatzeko, lokalak alokatzeko edo erosketa prezioa ordaintzeko dirulaguntzak.
Eskaera epea: deialdia Gipuzkoako Aldizkari Ofizialean argitaratu ondorengo egunetik urte horretako urriaren 31ra arte.
Merkataritza edo zerbitzu arloko establezimendu berriak irekitzeko edo eskualdatzeko dirulaguntzak jasotzeko aukera izango dute ondoren zehazten diren baldintzak betetzen dituztenak:
1. Pertsona fisikoa izatea, adinez nagusia eta jarduteko gaitasun osoarekin, edo pertsona juridiko pribatua izatea, eratua eta behar bezala inskribatuta dagokion erregistroan eskaera aurkezteko eguna baino lehen, eta egoitza soziala Eskoriatzan izatea.
2. 2023ko azaroaren 1etik aurrera merkataritza edo zerbitzu proiektu baten sustatzaile berria izatea (bai proiektu berrietan, baita eskualdatzeetan ere) Eskoriatzako hirigunean.
3. Proiektu hori lokal pribatu batean garatzea.
4. Zerga betebeharrak eta Gizarte Segurantzarekikoak egunean izatea.
5. Jarduera Ekonomikoen gaineko Zergan alta emanda egotea proiektuari dagokion epigrafean.
6. Dirulaguntzak jasotzeko debekuetatik bat bera ere ez izatea, azaroaren 17ko 38/2008 Legeko 13. artikuluko 2. eta 3. ataletan ezarritakoaren arabera.
7. Merkataritza edo zerbitzu proiektuak, berria denean, ondorengo baldintzak bete beharko ditu:
a) Debagoieneko Garapen Ekonomikorako Eskualde Agentziak onartutako bideragarritasun plana izatea.
b) Ondorengo balorazio irizpideetako puntuen % 50 lortzea gutxienez:
- Sustatzailearen egokitasuna/bateragarritasuna garatu beharreko ekimenarekin (3 puntura arte).
- Proiektuaren diseinua eta originaltasuna (1 puntura arte).
- Proiektuaren garrantzia merkataritza eta gizarte aldetik herriko merkataritza eta kontsumoa bultzatzeko (1 puntura arte).
- Proiektuaren bideragarritasun ekonomikoa eta finantzarioa (5 puntura arte).
8. Lokalek eta jarduerek ondorengo baldintzak bete beharko dituzte:
a) Alokatutako lokalak zein bertan egingo den jarduerak indarrean dagoen legedia bete beharko du eta martxan jartzeko beharrezko diren tramiteak eginda izan beharko ditu Udalean (udal lizentzia lortzea edo aurretiazko jakinarazpena eginda izatea). Katastroan ere lokalaren erabilera eguneratuta egon beharko da, hau da, lokal komertziala izan behar da.
b) Merkataritza edo zerbitzu jarduera bat egin beharko da lokalean.
c) Lokala pribatua izan eta Eskoriatzako hirigunean kokatuta egon beharko da.
d) Jarduerak sustatzaile berri bat izan beharko du.
e) Euskararen erabilera: Euskadiko toki-erakundeetan hizkuntza ofizialen erabilera instituzionala eta administratiboa normalizatzeari buruzko 179/2019 Dekretuaren arabera, diruz lagundutako jarduerak herritar-multzo zehaztugabe batekin zuzeneko harremana edukitzea berekin dakarrenean, euskararen erabilera normala bermatu beharko da, hargatik eragotzi gabe gaztelania erabiltzea.
Horrenbestez, diruz lagundutako jarduera dela-eta herritarrekin sortzen diren ahozko harremanetan, lehen hitza beti euskaraz egingo da, eta posible den guztietan, baita jarraitu ere, herritarrak hala aukeratuz gero.
Halaber, jarduera horretan herritarrei ematen zaien informazio idatzia (prezioak, kartelak, eskaintzen oharrak, menuak, kartak, arbeletako oharrak…) gutxienez euskaraz idatzita egon beharko da, eta euskarari emango zaio lehentasuna (hurrenkeran, tamainan…).
Laguntza honen onuradunak jarduera iragartzeko lokalaren kanpoaldean errotulu berria jarriz gero, gutxienez euskaraz egon beharko da. Euskarazko errotulazioa edota irudi korporatiboa jartzen duenak Eskoriatzako Udalak urtero eman ohi duen dirulaguntza jasotzeko aukera izango du, betiere dagokion dirulaguntza deialdian zehaztutako prozedura betez.
Hori guztia betetzeko Eskoriatzako Udaleko Euskara Zerbitzuak eskaintzen duen itzulpen/zuzenketa zerbitzua erabili ahal izango da.
Interesdunek laguntzak eskatzeko aurkeztu beharreko dokumentazioa:
1. Dirulaguntza eskaera orria. Orrian bertan aitortu beharko ditu honako hauek (aitortu ezean, horiei buruzko dokumentazio espezifikoa aurkeztu beharko du):
- Zerga-betebeharrak eta Gizarte Segurantzarekikoak egunean dituela.
- Ez duela hasita edo tramitean administrazioari dirua itzultzeko inolako prozedurarik.
- Ez duela jarduera bererako beste dirulaguntzarik eskatu. Eskatu badu, horri buruzko dokumentazio espezifikoa aurkeztu beharko da.
- Ez duela sexu-diskriminazioagatik edo emakumeen eta gizonen berdintasunaren arloan indarrean dagoen eta aplikatu beharrekoa den araudia urratzeagatik administrazio-zigorrik, ez zigor penalik.
- Bere xede edo helburuak ez direla emakumeen eta gizonen aukera-berdintasuneko printzipioaren kontrakoak.
- Ez duela dirulaguntzen buruzko azaroaren 17ko 38/2003 Legearen 13.2 eta 13.3 ataletan jasotako debekurik (Estatuko Boletin Ofiziala, 2023ko azaroaren 18koa).
2. Eskaera orriarekin batera honako agiriak aurkeztu beharko dira:
a) Enpresa pertsona juridikoa baldin bada: eratze edo aldaketa eskritura (merkataritza-erregistroko inskripzioaren araberakoa) eta identifikazio fiskaleko zenbakiaren kopia. Horiekin batera, enpresaren izenean eskaera egiten duen pertsona fisikoaren aldeko notario-ahalordearen kopia.
b) Proiektua azaltzeko txostena.
c) Proiektua berria baldin bada, ideiaren bideragarritasun plana, Debagoieneko Garapen Ekonomikorako Agentziak onartua.
d) Jarduera egin nahi den lokalaren alokairu kontratuaren edo salerosketa kontratuaren kopia. Kontratu horien ordez lokalaren jabearen zinpeko aitorpena aurkeztu ahal izango da. Bertan, eskatzaileak dirulaguntza lortuz gero lokala alokatzeko edo saltzeko konpromisoa jaso beharko da, eta adierazi beharko da lokala non dagoen, alokairuaren prezioa (edo, hala badagokio, salerosketarena) eta kontratuaren indarraldia.
e) Lokaletan eta jardueretan euskararen erabilera bermatzen dela ziurtatzeko, informazio grafikoa (argazkiak), hau da, jarduera horretan herritarrei ematen zaien idatzizko informazioa (prezioak, kartelak, eskaintza-oharrak, menuak, gutunak, arbel-oharrak...), gutxienez euskaraz idatzita dagoela, euskarari lehentasuna emanez (ordenan, tamainan...).
f) 8/2021 Lege Organikoa, ekainaren 4koa, haurrak eta nerabeak indarkeriaren aurrean osorik babesteari buruzkoa bete beharko da, eta ondorioz, adin txikikoekin ekintzak edo jarduerak modu jarraian egiten dituztenek Sexu Delitugileen Erregistro Zentralaren ziurtagiri negatiboa aurkeztu beharko dute. Ziurtagiri horrek gehienez 6 hilabeteko antzinatasuna izan beharko du.
Eskoriatzako Udalak zuzenean ziurtatuko du lokalak zein bertan egin beharreko jarduerak udal lizentzia duela, edo, hala badagokio, aurretiazko jakinarazpena eginda dagoela, eta bat datorrela indarrean dagoen legediarekin.
Udalak bere gain hartzen du kudeaketaren kostua.
Alkatea
Garapen ekonomikoa - Garapena
DATU BABESA
Egindako eskaeretako datu pertsonalak Eskoriatzako Udalak tratatuko ditu, eskaria tramitatu ahal izateko helburuarekin.
Datu horiek udal-kudeaketarako bakarrik erabiliko dira, baina beste administrazio publiko bati edo besteren bati utzi edo jakinarazi ahal izango zaizkie 3/2018 Lege Organikoan aurreikusitako kasuetan –abenduaren 5eko 3/2018 Lege Organikoa, Datu Pertsonalak Babesteari eta Eskubide Digitalak Bermatzeari buruzkoa–.
Datuak eskuratzeko, zuzentzeko, ezeztatzeko eta horien aurka egiteko eskubidea erabil daiteke Udalaren aurrean ondorengo bideetatik:
Bertaratuta:
Eskoriatzako Udala
Fernando Eskoriatza plaza
20540 Eskoriatza
Telematikoki: Eskaera-orri orokorra
Tramitazio Segurua