Eskoriatzako landa-auzoetako jarduera soziokulturala edota ekonomikoa dinamizatzeko laguntzak

ZER DA? ZERTARAKO DA?

Eskoriatzako landa-auzoetako auzo-elkarteentzako dirulaguntza da, jarduera soziokulturalak edota ekonomikoak antolatzeko, landa-bizitza garatzeko edota mantentzeko eta biztanleen auzo-harremanak sustatzeko.

Eskaerak aurkezteko epea: Deialdia Gipuzkoako Aldizkari Ofizialean argitaratu ondorengo egun baliodunean hasi eta urriaren 31ra arte.

GA005

NORK ESKA DEZAKE?

• Elizateetako edota landa auzoetako biztanleek osatutako irabazi asmorik gabeko elkarteek, betiere, egoitza eta jarduera esparrua Eskoriatzako landa gunean baldin badute.
  
  
• Bi elkarte edo gehiagok osatutako elkarteek, betiere, elkarte horiek Eskoriatzako elizateetako edota landa auzoetako biztanleek bakarrik osatutakoak baldin badira.

AURKEZTU BEHAR DIREN AGIRIAK

1. honaDirulaguntza eskaera orokorra. Bertan honako hauek aitortu beharko dira berariaz (aitortu ezean, horiek egiaztatzeko ziurtagiriak aurkeztu beharko dira):
   1. Elkarteak Gizarte Segurantzaren eta Foru Ogasunaren ordainketak egunean dituela.
   2. Ez duela hasita edo tramitean dirua itzultzeko inolalo prozedurarik Euskadiko Administrazio Orokorrean eta bere organismo autonomoetan, beraiengandik jasotako dirulaguntzen eremuan.
   3. Beste erakunde edo organismo batzuei egindako dirulaguntza eskaerak edo horiek dagoeneko emandakoak.
   4. Ez duela, sexu diskriminazioagatik edo emakume eta gizonen berdintasunerako legearen ondorioz, administrazio zigorrik edo zigor penalik jaso.
   5. Bere xede eta helburuak, aukeratzeko edo sartzeko sistema, funtzionamendua, ibilbidea, jarduera, antolamendua edo estatutuak, emakumeen eta gizonen aukera-berdintasunerako printzipioaren kontrakoak ez direla.
   6. Azaroaren 17ko 38/2003 Legeko 13. artikuluko 2. eta 3. ataletan aipatzen diren dirulaguntzak jasotzeko debekuetatik batean ere ez egotea.
2. Elkartea elkarte-erroldan irabazi asmorik gabeko elkarte bezala inskribatuta dagoela ziurtatzeko dokumentua eta elkartearen estatutuak edo horiek egiaztatzeko baimena. Era berean, elkartearen legezko ordezkariaren notario-ahalordearen kopia edo elkarteen erroldaren ziurtagiria aurkeztuko da, eskabidea sinatu duen pertsonak elkartearen barruan duen kargua jasotzen duena.
3. I. eranskina:
   1. Dirulaguntzaren helburu den jarduera edo programa deskribatzeko eta baloratzeko memoria.
   2. Jarduera edo programa burutzeko izandako diru-sarrera eta gastuen laburpena.
4. Egindako gastuen fakturen originalak edo fotokopia konpultsatuak. Salbuespen gisa, legez ezarritako baldintzak (BEZa, autonomoetan alta, JEZa eta abar) betetzen dituzten fakturak egiteko moduan ez dauden pertsonek emandako zerbitzuetan edo egindako lanetan, ordainketa jasotzen duenaren jasotze-agiria onartuko da (II. eranskina) fakturaren ordezko bezala, betiere, gutxienez ondoren esango diren datuak baldin baditu, kobratutako kopurua ez baldin bada 100 € pertsonako baino handiagoa eta fakturatzat hartzeko eskatzen diren baldintzak betetzen ez dituzten gastu-ohar edo dokumentu guztien batuketa ez bada jardueraren gastu guztiaren % 35a baino handiagoa:

a) Ordainketa data, jardueraren egunarekin bat etorri beharko dena.

b) Ordaindutako zenbatekoa.

c) Ordainketa jasotzen duenaren (izena, 2 abizen eta NANa) eta ordainketa agintzen duenaren identifikazioa.

d) Zein kontzeptutan agintzen den ordainketa.

Ez dira tiketak onartuko, fakturak izan beharko dira.

Eskoriatzako Udalak kasu bakoitzean eska dezakeen beste edozein agiri.

NON ESKATZEN DA?

Bertaratuta:
• H@ZI
  Udaletxea
  Fernando Eskoriatza plaza 1 20540 ESKORIATZA
  08:00-14:30
  943 714 407
  

Telematikoki:
• Online tramitazioa
  

KOSTUA

Udalak bere gain hartzen du kudeaketaren kostua.

ERABAKITZEKO EPEA

• Aurreikusitako epea: hilabete bat.
• Legezko epea: hiru hilabete.
• Administrazio isiltasunaren eragina: ezespena.
  

LEGEAK ETA ARAUAK

• Eskoriatzako Udalak dirulaguntzak emateko erregimena arautzeko ordenantza orokorra
• 39/2015 Legea, Administrazio Publikoen Prozedura Erkidearena (EAO, 236 zk.a, 2015/10/02)
• 887/2006 Errege Dekretua, uztailaren 21ekoa, diru laguntzei buruzko azaroaren 17ko 38/2003 Lege Orokorraren Erregelamendua onartzen duena
• 2/2016 LEGEA, apirilaren 7koa, Euskadiko Toki Erakundeei buruzkoa
• 2024-2027 ekitaldirako Eskoriatzako Udalaren Dirulaguntzen Plan Estrategikoa
• 1/2016 legea, apirilak 7koa, Adikzioen eta Droga-menpekotasunaren gaineko Arreta Integralari buruzkoa
• 1/2023 LEGEGINTZAKO DEKRETUA, martxoaren 16koa, emakumeen eta gizonen berdintasunerako eta emakumeen aurkako indarkeria matxistarik gabe bizitzeko Legearen testu bategina.
• Landa-auzoetako jarduera soziokulturala edota ekonomikoa dinamizatzeko dirulaguntzen oinarriak

ESKAERA EGIN ONDOREN JARRAITU BEHARREKO PROZEDURA

• Eskaera jaso, dokumentazioa egiaztatu, eskaneatu, sarrera erregistratu eta eskatzaileari erregistroaren egiaztagiria eman.
• Eskaera eta dokumentazioa Garapen Ekonomikora bideratu
• Batzorde informatzailearen proposamena, Lurralde eta Garapen ekonomiko jasangarria.
• Ebazpena, Alkatearen erabakia.
• Jakinarazpena, eskatzaileari.

ORGANO ERABAKITZAILEA

Alkatea

TRAMITE HONEN ARDURA DUEN ARLOA

Garapen ekonomikoa - Garapena

OHARRAK

DATU PERTSONALEN BABESA

DATU BABESA

Egindako eskaeretako datu pertsonalak Eskoriatzako Udalak tratatuko ditu, eskaria tramitatu ahal izateko helburuarekin.

Datu horiek udal-kudeaketarako bakarrik erabiliko dira, baina beste administrazio publiko bati edo besteren bati utzi edo jakinarazi ahal izango zaizkie 3/2018 Lege Organikoan aurreikusitako kasuetan –abenduaren 5eko 3/2018 Lege Organikoa, Datu Pertsonalak Babesteari eta Eskubide Digitalak Bermatzeari buruzkoa–.

Datuak eskuratzeko, zuzentzeko, ezeztatzeko eta horien aurka egiteko eskubidea erabil daiteke Udalaren aurrean ondorengo bideetatik:

Bertaratuta:

Eskoriatzako Udala

Fernando Eskoriatza plaza

20540 Eskoriatza

Telematikoki: Eskaera-orri orokorra