Zerbitzu Psikosoziala eta Sozio-hezitzailea

ZER DA? ZERTARAKO DA?

Arrisku-egoeran, arrisku handiko egoeran edo babesik gabeko egoeran dauden adingabeak dituzten familiei , eta helduei laguntza terapeutikoa edota hezkuntza laguntza emateko programa bat da.

Familia-nukleoan egindako balorazio-prozesu baten ondoren, bertako adingabeen artean arrisku arin edo ertaineko egoerak detektatzen direnean, pertsona edo familia-nukleoei ematen zaien laguntza-programa da.

Babesgabetasun edo bazterkeria egoera edo arriskuan dauden helduei ere laguntza eskainiko zaie.

Borondatezko esku-hartze testuinguru batean, Udalak baliabideak eskaini behar dizkie gurasoei eta adingabeei, adingabearen garapen egokirako baldintzak berrezartzeko.

Arrisku-egoera arin eta ertainetan eskuduntza Udalarena da, eta egoera larrienetan, Gipuzkoako Foru Aldundiarena.

GI039

NORK ESKA DEZAKE?

• Eskoriatzan erroldatuta dauden pertsona edo familia interesdunek eskatu ahal dute. Familiako kideren batek onartu behar du zailtsunak dituela eta laguntza pofesionala eskatu behar du.
• Udalak bere kabuz:
  • Hirugarren batzuek (ikastetxeek, osasun-zentroek, poliziak, udal zerbitzuek, bizilagunek...) gizarte zerbitzuei arrisku-egoeren berri eman ondoren.
  • Gizarte Zerbitzuek arrisku-egoeraren bat detektatu ondoren.

AURKEZTU BEHAR DIREN AGIRIAK

Hitzordua hartzeko erabiltzailearen ondorengo datuak jaso
behar dira:

• Izena eta abizenak.
• NANa (nortasun agiri naazionala), AIZa (atzerritartasun identifikazio zenbakia), edo pasaporte zenbakia.
• Harremanetarako telefono finkoa eta mobila.
• E-mail helbidea.

NON ESKATZEN DA?

Bertaratuta:
• H@ZI
  Udaletxea
  Fernando Eskoriatza plaza 1 20540 ESKORIATZA
  08:00-14:30
  943 714 407
  

Posta elektronikoz:
• hazi@eskoriatza.eus
  

Telematikoki:
• Online tramitazioa
  

Ohiko postaz:
• Eskoriatzako Udala.
  Fernando Eskoriatza plaza 1 20540 ESKORIATZA
  

ARGIBIDE GEHIAGO:
• Gizarte zerbitzuak
  Udaletxea
  Fernando Eskoriatza plaza 1, beheko solairua 20540 ESKORIATZA
  943 713 136
  

OHARRA:
• Pertsona juridikoentzako oharra
  

KOSTUA

Udalak bere gain hartzen du kudeaketaren kostua.

ERABAKITZEKO EPEA

• Aurreikusitako epea: bi hilabete.
• Legezko epea: hiru hilabete.
• Administrazio isiltasunaren eragina: ez dagokio.
  

LEGEAK ETA ARAUAK

• 12/2008 LEGEA, abenduaren 5ekoa, Gizarte Zerbitzuei buruzkoa
• 64/2004 DEKRETUA, apirilaren 6koa, zeinaren bidez onartu baita euskal autonomia erkidegoko gizarte zerbitzuen erabiltzaileen eta profesionalen eskubide eta betebeharren gutuna, eta iradokizunen eta kexen araubidea.
• 152/2017 DEKRETUA, maiatzaren 9koa, Euskal Autonomia Erkidegoan haurrak eta nerabeak zaintzeko eta babesteko udal- eta lurralde-mailako gizarte-zerbitzuetan arrisku- eta desanparo-egoeren larritasuna balioesteko Balora tresnaren eguneraketa onesten duena.
• 3/2005 LEGEA, otsailaren 18koa, haurrak eta nerabeak zaintzeko eta babestekoa.

ESKAERA EGIN ONDOREN JARRAITU BEHARREKO PROZEDURA

• Eskaera jaso, dokumentazioa egiaztatu, eskaneatu, sarrera erregistratu eta eskatzaileari erregistroaren egiaztagiria eman.
• Teknikariaren txostena, Gizarte Zerbitzuak.
• Jakinarazpena, eskatzaileari.

ORGANO ERABAKITZAILEA

Arrisku-egoera arin eta ertainetan, Udala.

Arrisku larrietan, Gipuzkoako Foru Aldundia da.

TRAMITE HONEN ARDURA DUEN ARLOA

Gizarte zerbitzuak - Familia eta adin txikikoak

OHARRAK

ARRISKU EGOERA:

Norberaren, familiaren edo inguruko ingurumarien ondorioz, adingabearen garapen pertsonala edo soziala kaltetzen duen egoera, gurasoek edo tutoreek dagozkien erantzukizunak hartzen ez dituztenean edo osorik hartzerik ez dutenean, eta familia-gunetik adingabea banatu beharrik izan gabe. Esku hartuko litzateke arrisku faktoreak ezabatu ahal izateko.

ARRISKU HANDIKO EGOERA:

Berehala neurri babeslerik sartu ezean, babesik gabeko egoera batean egongo litzateke adingabea. Esku-hartzeak eskatzen du jarduera batzuk abian jartzea, familian haurren ongizatea kaltetzen duten egoerak gutxitu edo kentzeko, eta ahal dela gurasoen laguntza lortu behar da, haiengandik banatzeko neurririk hartu behar ez izateko.

BABESIK GABEKO EGOERA:

Adingabeak zaintzeko legeek ezarritako babes-betebeharrak betetzen ez dituztenean edo ezinezkoa zaienean edo desegoki betetzen dituztenean, adingabeek behar duten laguntza moral edo materialik ez dutenean. Halako egoeretan, gertakarien larritasunak aholkatzen du adingabea familiatik banatzea, eta erakunde publikoak hartuko du beregain adingabearen tutoretza eta aldi batez etengo da gurasoen agintea edo ahala.

Arrisku-egoera arin eta ertainak Udalaren eskumena dira, eta arrisku handiko eta babes gabeko egoerak, berriz, Foru Aldundiaren eskumena.

DATU PERTSONALEN BABESA

DATU BABESA

Egindako eskaeretako datu pertsonalak Eskoriatzako Udalak tratatuko ditu, eskaria tramitatu ahal izateko helburuarekin.

Datu horiek udal-kudeaketarako bakarrik erabiliko dira, baina beste administrazio publiko bati edo besteren bati utzi edo jakinarazi ahal izango zaizkie 3/2018 Lege Organikoan aurreikusitako kasuetan –abenduaren 5eko 3/2018 Lege Organikoa, Datu Pertsonalak Babesteari eta Eskubide Digitalak Bermatzeari buruzkoa–.

Datuak eskuratzeko, zuzentzeko, ezeztatzeko eta horien aurka egiteko eskubidea erabil daiteke Udalaren aurrean ondorengo bideetatik:

Bertaratuta:

Eskoriatzako Udala

Fernando Eskoriatza plaza

20540 Eskoriatza

Telematikoki: Eskaera-orri orokorra