Lehen erabilpeneko baimen-eskaera

ZER DA? ZERTARAKO DA?

Oin berriko eraikin bat edo handitu edo eraberritutako eraikinak okupatzeko lizentzia (azken horiek, baldin eta obra ondorengo eraikinak lehendik zegoena ez bezalako konfigurazioa badu).

Eraikina proiektu teknikoaren eta onartutako obra handiko lizentziaren arabera eraiki, handitu edo eraberritu dela eta segurtasun eta osasungarritasun baldintza teknikoak betetzen dituela egiaztatu ondoren emango da lizentzia.

Urbanizazioa gauzatu dela eta nahitaezko lagapenak egin direla egiaztatuko da.

NORK ESKA DEZAKE?

Obra-sustatzaileak, edo bere legezko ordezkariak, obra bukatutakoan.

AURKEZTU BEHAR DIREN AGIRIAK

Lehenengoz erabiltzeko lizentzia eskaera.
Ordezkaritza-idazkia (hala badagokio).
Obra-amaierako ziurtagiria, obra-zuzendariak sinatua eta dagokion elkargoak ikus-onetsia. Bertan, egiaztatu beharko da emandako lizentziaren xede den proiektuaren, proiektuaren balizko aldaketen eta, hala balitz, Udalak ezarritako baldintza berezien arabera egin direla obrak.
Benetan egindako obraren planoak, lizentziaren xede den proiekturako eskatutako eskalan eta xehetasun-mailarekin. Halaber, lurzatiaren behin betiko egoeraren plano bat aurkeztuko da, udal-kartografiaren gainean egina, 1/200 edo 1/500 eskalan, eta bertan, egindako eraikinak eta urbanizazio-obrak agertu beharko dira; sestra-kota berriak euskarri informatikoan adieraziko dira.
Eraikin edo instalazioen kanpoaldeko argazkiak, 18 x 24 cm-ko tamainakoak. Lizentziaren titularrak eta obraren zuzendariak edo proiektuaren egileak sinatu beharko ditu atzeko aldetik eta errealitatearekin bat datozela adierazi.
Azken likidazioa, obren edo instalazioen benetako kostua adierazita, obra-zuzendariak sinatuta eta dagokion elkargoak ikus-onetsita.
Behin betiko kalifikazio-zedula, sustapen publikoko etxebizitzak badira.
Obra berria deklaratzeko eskrituraren kopia baimendua. Eskritura horren bidez, alde batetik, eta hala badagokio, nahitaez laga beharreko lursailak eskualdatuko zaizkio Udalari, dagokion obra-lizentzian finkatutako baldintzetan; eta, bestetik, eraikina edo instalazioa lotuta geldituko da erabilitako eraikuntza-eskubideak justifikatzeko jarritako lursailekin, lagapenaren xede izan ez direnekin. Lursail horien jabetza ezin izango da bereizi eraikinaren jabetzatik.
Ondasun Higiezinen gaineko Zergan alta eman izanaren aitorpena, hala badagokio.
Eusko Jaurlaritzaren Estatistika Buletina, behar bezala beteta.
Berokuntzako, klimatizazioko eta ur beroko instalazioen ziurtagiria, Eusko Jaurlaritzako Industria Sailak emana.
Behe-tentsioko instalazio elektrikoaren ziurtagiria, Eusko Jaurlaritzako Industria Sailak emana.
Barneko ur-instalazioen probaren ziurtagiria, Eusko Jaurlaritzako Industria Sailak emana.
Gas-instalazioaren ziurtagiria.
Jasogailuen instalazioa martxan jarri izana egiaztatzeko agiria, Eusko Jaurlaritzako Industria, Merkataritza eta Turismo Sailak emana.
Telekomunikazioetako azpiegitura komunaren obra-amaieraren ziurtagiria, telekomunikazio-ingeniariak sinatua eta Telekomunikazioetako Ingeniarien Elkargo Ofizialak ikus-onetsia.
Kolektorera isurtzeko baimena.

NON ESKATZEN DA?

Bertaratuta:

H@ZI
Udaletxea
Fernando Eskoriatza plaza 1 20540 ESKORIATZA
08:00-14:30
943 714 407

Telematikoki:

Online tramitazioa

Ohiko postaz:

Eskoriatzako Udala.
Fernando Eskoriatza plaza 1 20540 ESKORIATZA

ARGIBIDE GEHIAGO:

Hirigintza zerbitzua
Udaletxea
Fernando Eskoriatza plaza 1, 1. solairua 20540 ESKORIATZA
626 716 944

OHARRA:

Pertsona juridikoentzako oharra

KOSTUA

02 - Exebizitza lehenengoz erabili eta okupatzeko lizentzia
Etxebizitza bakoitzeko, 5 etxebizitza arte	53,76 �
Etxebizitza bakoitzeko, 6 etxebizitzatik aurrera	26,88 �
Etxebizitza adosatu bakoitzeko	343,81 �
Familia bakarreko etxebizitzak �nekazaritza ustiapenik gabeak-	395,42 �
Bi familiako etxebizitzak �nekazaritza ustiapenik gabeak-	591,38 �
Nekazaritza ustiapena duen eraikineko etxebizitza bakoitzeko	26,88 �

ERABAKITZEKO EPEA

Aurreikusitako epea: hilabete bat.
Legezko epea: hiru hilabete.
Administrazio isiltasunaren eragina: ezespena.

LEGEAK ETA ARAUAK

Eskoriatzako Hiri Antolaketako Arauen Testu Bategina. (GHI-147/99-P05). 2.24 artikulua
2/2006 Legea lurzoruari eta hirigintzari buruzkoa 207 artikulua eta ondorengoak
6.- Zerbitzu publikoak eskaini eta jarduera administratiboak burutzeagatik ordaindu beharreko tasen ordenantza arautzailea

ESKAERA EGIN ONDOREN JARRAITU BEHARREKO PROZEDURA

Eskaera jaso, dokumentazioa egiaztatu, eskaneatu, sarrera erregistratu eta eskatzaileari erregistroaren egiaztagiria eman.
Zerbait falta izanez gero, eta erregistratzeko tematzen bada, erregistratu eta idazkia zuzentzeko eskaera egin.
Eskaera eta dokumentazioa Hirigintzara bideratu
Teknikariaren txostena, Hirigintza.
Teknikariaren txostena, Idazkaritza.
Ebazpena, Alkatearen erabakia.
Jakinarazpena, eskatzaileari.
Dirubilketa arloari jakinarazi dagokion tasa et zerga jakinarazteko eta likidatzeko.
Udaltzaingoari jakinarazi.
Obra berriaren deklarazioa Jabetza Erregistroan erregistratu ondoren, pertsona edo erakunde eskatzaileak horren egiaztagiria aurkeztu beharko du Udalean.

ORGANO ERABAKITZAILEA

Alkatea

TRAMITE HONEN ARDURA DUEN ARLOA

Hirigintza - Hirigintza

OHARRAK

DATU PERTSONALEN BABESA

DATU BABESA

Egindako eskaeretako datu pertsonalak Eskoriatzako Udalak tratatuko ditu, eskaria tramitatu ahal izateko helburuarekin.

Datu horiek udal-kudeaketarako bakarrik erabiliko dira, baina beste administrazio publiko bati edo besteren bati utzi edo jakinarazi ahal izango zaizkie 3/2018 Lege Organikoan aurreikusitako kasuetan �abenduaren 5eko 3/2018 Lege Organikoa, Datu Pertsonalak Babesteari eta Eskubide Digitalak Bermatzeari buruzkoa�.

Datuak eskuratzeko, zuzentzeko, ezeztatzeko eta horien aurka egiteko eskubidea erabil daiteke Udalaren aurrean ondorengo bideetatik:

Bertaratuta:

Eskoriatzako Udala

Fernando Eskoriatza plaza

20540 Eskoriatza

Telematikoki: Eskaera-orri orokorra