Ekindar Azpeitiko Energia-Komunitatean energia berriztagarriak sustatzeko diru-laguntzak (S-41) - 2022

Zer eta zertarako:

Azpeitiko herrian eguzki-energia fotovoltaikoko instalazioak ezartzea Ekindar energia-kooperatibaren bidez, horien erabilera sustatzeko eta energia-komunitateko parte-hartzea bultzatzeko diru-laguntzak norgehiagoka zuzen bidez ematea.

Dirulaguntza hauen helburua Azpeitiko herrian energia aurrezteko eta eraginkortasunez erabiltzeko neurriak bultzatzea eta energia berriztagarriak sustatu eta ezartzea da. Horren bidez, energia aurrezpenak, eraginkortasun energetikoak eta energia berriztagarrien erabilerak dituzten onurak zabaldu, eta jarduera ekonomikoen eta bizitegi-sektorearen faktura energetikoa murriztea helburu izanik.

EKIN

Nork eska dezake:

Azpeitian ohiko etxebizitzan erroldatuta dagoen eta Ekindar energia-kooperatiban bazkide erabiltzaile gisa parte hartzen duten edozein herritar. Bai eta norberaren konturako langileak edo langile autonomoak, eta enpresa txikiak eta/edo elkarteak, edozein dela ere haien forma juridikoa, lantokia edo egoitza soziala Azpeitian dutenak betiere, Ekindar Kooperatibako bazkide erabiltzaile dela ziurtatzen badu.

• Norbanakoen kasua, bizilagun bakoitzak erroldatuta dagoen etxebizitzarako bakarrik eskatu ahal izango du dirulaguntza.
• Norberaren konturako langileak edo langile autonomoak, eta enpresa txikiak eta/edo elkarteen kasuan, establezimendu bakoitzeko eskatu ahal izango da dirulaguntza; betiere, establezimendu bakoitzerako egin bada inbertsioa.

Izaera orokorrez, onuradunek Azpeitiko Udalak dirulaguntzak emateko onartutako ordenantza arautzailearen 12. artikuluan eskatutako baldintzak bete beharko dituzte (2022ko urtarrilaren 26ko GAO, 16. zk.).

Aurkeztu beharreko dokumentazioa:

• S-41 Eskaera orria

Eskabidearekin batera honako dokumentazioa aurkeztu behar:

• Eskatzailearen NA agiriaren kopia.
• Kontu Korronteko titularitatea egiaztatzen duen ziurtagiria.
• Ekindar Kooperatiba Elkarteko bazkide ziurtagiria.

Non eskatzen da:

Aurrez aurre:
• Udaletxeko HAZ bulegoan (1.solairuan), astelehenetik ostiralera
  7:30- 14:30
  
• Udaletxeko HAZ bulegoan (1.solairuan), ostegunetan
  7:30-19:00
  
• Udaletxeko HAZ bulegoan (1.solairuan), uztaila eta abuztua
  8:00-15:00
  

Internet bidez:
• www.azpeitia.eus
  

Informazio gehiago:
• idazkaritza@azpeitia.eus
  

Zenbat kostatzen da:

Doan.

Erantzuteko epea:

• Aurreikusitako epea: 6 hilabete
• Prozedura arrunta. Legezko gehienezko epea: 6 hilabete
• Isiltasun-administratiboaren izaera: ezezkoa
  

Aplikatu beharreko araudia:

• 38/2003 Legea, azaroaren 17koa, Diru-laguntzen Lege Orokorra.
• ED 887/2006, Diru-laguntzen Lege Orokorraren Erregelamendua
• Azpeitiko Udalaren diru-laguntzak emateko 2022ko Ordenantza Arauemailea

Eskaera jaso ondoren jarraitu beharreko prozedura:

Behin eskaera jaso eta izapidetzea onartu ondoren honako prozedura jarraituko da:

1. Eskatutako baldintzak betetzen diren edo ez egiaztatzea.

2. Balorazio-txostena egin.

3. Ingurumen-batzordeak dagokion ebazpen-proposamena egin.

4. Organo eskudunak ebazpena eman.

Organo ebazlea:

Alkatetza

Kudeaketaz arduratzen den udal saila:

Idazkaritza - Idazkaritza

Erlazionaturiko tramiteak

Gainerako informazioa:

Datu pertsonalen babesa:

Fitxategiaren izena: Datu Pertsonalen babesa Diru-laguntzak

DBEB kodea: LOPD-GDD

Helburua: Udalak pertsona fisikoei, elkarteei eta erakundeei eman beharreko laguntzen eta diru-laguntzen beharrezko kudeaketatik eratorritako informazio pertsonala kudeatzea.

Legitimazioa: abenduaren 5eko 3/2018 Lege Organikoa, Datu Pertsonalen Babeserako eta Eskubide Digitalen Bermerakoa, 8.1 eta 8.2 artikuluak: Datuen tratamendua legezko betebeharragatik, interes publikoagatik edo botere publikoen jardunagatik.

Komunikazioen hartzaileak: Datuak Gizarte Segurantzari, zerga-administrazio eskudunei eta arloan eskumena duten beste administrazio publiko batzuei jakinarazi ahal zaizkie.

<